Lere Fo Sasin, Naran “SARAI” Mai Husi Matak Malirin Ramelau Nian

SAPNewsTL, Dili: Tenente Jeneral Reformadu Lere Anan Timur saran lia hirak ne’e, Wainhira partisipa iha Serimónia Fúnebre Saúdozu Deolindo da Costa Amaral SARAI iha Jardim dos Heróis da Pátria Metinaru, Dili.

Lere Anan Timur hateten, Naran Sarai ne’e atu Haraik Matak no Malirin ba nia hodi moris no luta ba ukun Rasik an, Sarai halo funu liu Ema Balun, Ema Hotu halo Funu, maibe halo lá hanesan

“Naran SARAI, Ha’u Mak fo husi Ramelau, hodi tahan no haraik Matak Malirin ba Nia hodi moris no luta ukun Rasik an, nia moris to’o hetan ukun rasik an , Ita halo funu, halo la Hánesan, SARAI halo funu liu ema balun, ohin Nia Laiha Ona, maibe Nia Istória hela ho Ita, Adeus Alin Sarai, Ha’u Hádomi Tebes O”. Tenik Tenente Jeneral Reformadu Lere Anan Timur liu husi nia Diskursu, iha Jardim dos Heróis da Pátria Metinaru Dili, 19/05/2023

Lere Anan Timur hatutan, Mate mak Distinu, maibe Ki’ak La’os Destinu, Ema ida Idak tenki konfia an, SARAI Mak Mate maibe Ninia História Hela ho F-FDTL no Família SARAI nian

“Ita tenki konfia an, mate mak Distinu, maibe Ki’ak La’os Distinu, Ita tenki luta ba hadia Ita nia Moris, Sarai ninia Klamar mak Sarai ninia Istória, Istória ne’e Hamutuk ho Instituisaun FALINTIL Forsa Defeza de Timor Leste (F-FDTL) no Hamutuk Família husi Kaburenu Luro no Suai-Covalima, Família SARAI nian tenki hamutuk nafatin hodi La’o ba oin”. Nia Dehan

Saúdozu Deolindo Sarai Hakotu Nia Peregrinasaun Iha Mundu, tanba sofre bembulu Darah no Moras iha Ulun, atakasaun ne’e Mosu ba nia iha loron 28 Abril no Saudozu Halo tratamentu iha Ospitál Nasionàl Guido Valadares Dili Durante 17 dias, Tuir planu átu Lori nia Ba Rai Liur Maibe la Konsege ba no infelizmente nia Hakotu iis iha liron 15 Maiu 2023, maiz ou Menuz 5:30 lorokraik

Entretantu, Lere Anan mos entrega bandeira ba Saúdozu Deolindo da Costa Amaral Sarai nia oan mane dahuluk, no Tenente Jeneral Falur Rate Laek entre bonha ba saúdozu nia oan mane daruak

Partisipa iha Serimónia Fúnebre Saúdozu Deolindo da Costa Amaral ne’e Mak hanesan Reprezentante Presidente da Repúblika, Jeneral Falur Rate Laek, Jeneral Reformadu Lere Anan Timur, Deputadu Mariano Assanami Sabino, Eis Deputadu Osório Florindo Conceição, Membru F-FDTL, Familia husi Luro-Lautem no Suai Covalima

Jornalista: Lidia Amaral