“SARAI” Husik Hela Faluk Oan Kiak, Família Saúdozu Husu Guvernu Fo Atensaun

SAPNewsTL, Dili : Iha Âmbitu Serimonia Fúnebre Koronel Deolindo da Costa Amaral SARAI iha Jardim dos Heróis Metinaru, Tenente Jeneral Falur Rate Laek sente triste tanba lakon ninia Rekursu Diak Ida Ne’ebe sempre fo Ninia Dedikasaun hodi Servi Povu no Rai Ida ne’e

“Ami La’o, Toba, no Servisu Hamutuk durante Tinan barak, Ita Hotu Hatene Mate ne’e Hánesan fim ida husi Peregrinasaun ema nian iha Mundu, imi família Sira Ho Ami, Ita sente triste, Laran Moras no laran susar tanba Lakon ona Koronel Deolindo da Costa Amaral SARAI, SARAI Mak mate Maibe Nia oan Nain lima Iha Hela”. Tenik Tenente Jeneral Falur Rate Laek Liu husi Diskursu ba Família Sira, iha Jardim dos Heróis Metinaru Dili, 19/05/2023

Tenente Jeneral ne’e hatutan, Parte Instituisaun FALINTIL Forsa Defeza de Timor Leste (F-FDTL) mos sei esforsu hodi tau matan ba faluk no oan Kiak, tuir buat ne’ebé Instituisaun bele hodi apoia

“Ami sei haree hodi kontinua apoia ba faluk no Oan Kiak Sira, tuir buat ne’ebé ami bele hodi Apoia”. Hatete Falur

Iha Fatin hanesan, Joãozinho Pinto fo Agradese ba Parte Instituisaun FALINTIL Forsa Defeza de Timor Leste tanba bele apoia iha prosesu hotu, entretantu família mos triste tanba lakon nia ema Diak ida Ne’ebe Nu’udar dar Mahon ba Sira

Joãozinho mos lamentável Tebes ho Prosesu tratamentu ba saúdozu Deolindo da Costa Amaral SARAI iha Ospitál Nasionàl Guido Valadares tanba lá Konsege Lori Nia ba Rai Liur Hodi kura Nia Liliu bembulu darah Ka Ran nakfera iha Ulun

“Ami trizte tebes tanba Ami Nia Maun SARAI la hetan tratamentu ne’ebé diak husi Ospitál, la Konsege trata Ninia dokumentus ba Rai Liur hodi Halo tratamentu, Ami husu Para ba oin Labele tan akontese ba veteranu sira seluk, Ami mos Husu ba Guvernu átu bele tau Matan ba faluk no oan Kiak Sira ne’ebe Deolindo Sarai husik hela iha mundu ne’e”. Hatete Joãozinho

Entretantu, Partisipa iha Serimónia Fúnebre ne’e marka presenza husi Tenente Jeneral Reformadu Lere Anan Timur, Tenente Jeneral Falur Rate Laek, Deputadu Mariano Assanami Sabino, Representante Presidente Repúblika, inklui hetan Partisipasaun maksimu husi Família Kaburenu Luro-Lautem, Família Suai-Covalima no Parte Membru F-FDTL

Jornalista: Lidia Amaral