Lori Naroman Ba Povu, Fretilin Avansa Ho Pakote Úniku
SAPNewsTL, Dili: Partidu Frente Revolusionáriu Timor Leste Independénte (FRETILIN) realiza kongresu nasional ba dala lima iha Sentru Konvensaun Dili, Adjuntu Sekretaria Jeral FRETILIN hateten Kongresu Nasional ne’e hanesan orgaun bo’ot partidu nian ne’ebé eleze lideransa partidu nian hodi hili Prezidente no Sekretariu Jeral Partidu nian ba periodu 2022-2027.
“Kongresu iha kbiit atu diskute, halo provasaun no alterasaun estatutu manual polítika no programa partidu nian, kongresu mos iha kna’ar atu diskute relatoriu sentral durante mandatu ida iha 2016-2022, kongresu mos mak iha kbi’it atu aprova liña politika interna no externa FRETILIN nian”. Dehan Sekretaria Jeral Adjuntu FRETILIN Flavio Maria Guterres da Silva iha Sentru Konvensaun Dili, Kinta-Feira, 8/09/2022.
Nia akresenta kongresu ne’e sei la’o durante loron tolu, iha loron dahuluk hafoin abertura sei hatur meza kongresu ba dala V
“Kongressu ne’e sei hala’o iha loron tolu dia 8 to 10 tuir kalendáriu ne’ebé komisaun nasional preparasaun komisaun organizadora iha loron primeiru depois abertura ami sei hatúr meza kongresu no meza verifikasaun de poder no prosede kedas ba aprezentasaun, aprovasaun,votasaun no apuramentu kedas ba Prezidente Jeral,Delegadu nivel nasional”. Tenik nia
Nia hatutan, delegadu sira husi 12 Munisipiu inklui RAEOA ho total atus sia rua nulu resin lima (925) partisipantes
“Delegadu nível nasional hamutuk atus sia rua nulu resin lima (925) no suplente neen nulu resin hitu (67), husi númeru ida ne’e atus hitu neen nulu (760) mai husi munisipiu tanba eleitu iha konferensia munisipais sira”. Nia hatete
Entretantu atus ida neen nulu resin sia (169) ne’e funsaun nu’udar prezidente, sekretaria jeral, komisaun juridisaun, formadores munisipius sira, orasoens filiadas FRETILIN, orasoens profisionais ativistas, movimentu no universitariu sira ho kombatentes, veteranus libertasaun nasional ho total atus sia rua nulu resin lima (925).
Enkuantu, Kongresu iha loron dahuluk ida ne’e, kongresista sira avanda deit ho pakote uniku, iha ne’ebe lidera husi Dr. Francisco Guterres Lu-Ola no Dr. Mari Bin Amude Alkatiri re-eleitu ba periodu 2022-2027
Portantu, iha abertura kongresu ida ne’e hetan partisipa husi Primeiru Ministru Taur Matan Ruak, Prezidente CNE Agustinho da Costa Belo, Preidente Partidu Demokrátiku Mariano Assanami Sabino, Konselleiru Superior Partidu Khunto Jose Naimori Bukar, inklui observadores nasional no internasional sira
Jornalista : Esmeralda da Silva
Editor : Ekipa Editorial