PM Taur Kongratula Fretilin, Lere Fo Parabens Ba Lu-Olo No Mari
SAPNewsTL, Dili: Partidu Frente Revolusionário Timor Leste Indepedente (FRETILIN) realiza kongresu nasionál ba dala V ho tema ‘Lori Naroman Ba Povu, iha Diskursu Primeiru Ministru Taur Matan Ruak hateten história hanesan aliserse ne’ebe bele sustenta Organizasaun, sosiedade no nasaun nia sobrevivénsia futuru
“Ita halo kongresu,ita relembra fila fali ita nia pasadu, di’ak wainhira ita relembra ita nia história, tanba historia mak ita nia aliserse atu sustenta ita nia nasaun, organizasaun no sosiedade, sobrevivénsia ba futuru, ha’u agradese ba FRETILIN, mesmu iha konviksaun polítika diferente mas nunka trai prinsipiu FALINTIL nian”. Dehan Primeiru Ministru Taur Matan Ruak iha Centro Convenção de Dili (CCD), Quinta (08/09/22).
Governante ne’e konsidera, aprende husi ema seluk nia sala, dala barak la ajuda an rasik atu projeta ba futuru, aprende husi nia salan rasik ne’e importante los
“Aprende husi ema nia susesu, dala barak la ajuda ita projeta ba futuru, aprende husi ita nia sala ne’e importante los, iha mundu ita haree ema matenek, ema beik no bulak, matenek mak sira ne’ebe aprende ho ema seluk nia sala, beik mak ema ne’ebe aprende ho nia sala, bulak mak ema ne’ebe la aprende ho nia sala nein ema seluk nian, ha’u rekunese katak ita nia estabilidade politika iha tinan ruanulu ne’e nia laran la metin, failla ida ke desnesesáriu”. Tenik PM Taur
Entretantu, Governante ne’e mos hato’o Parabenss ba Prezidenti Partidu Fretilin Fancisco Guterres Lu-Olo no Sekretariu Jeral Mari Alkatiri, grandeza Lider na’in rua iha Fretilin, Parabens ba Fretilin
Primeiru Ministru oitavu guvernu ne’e mos husu Jerasaun Foun sira, hodi (Guarda a sua sabedoria, espera o seu tempu), rai o nia matenek, hein o nia tempu
“Ami nia jerasaun, nunka husu favor ba jerasaun sira iha oin para fo fatin ba ha’u, nunka. ami konkista rasik ami nian, sira dezisti, sira mate,ami foti, mas sira moris ami nunka asalta para hadau tanba iha lian portugés dehan, (Guarda a sua sabedoria, espera o seu tempu), rai o nia matenek, hein o nia tempu”. Nia sublina
Entretantu, Tenente Jeneral Reformadu Lere Anan Timur hateten la kompete iha kongresu tanba la’os eleisaun direita
“Se eleisaun direita karik, ha’u kompete duni, mas ida ne’e kongresu, masa ne’e iha kraik, aileba, ain-tanan, oan ki’ak, faluk sira mak ha’u konfia katak eleisaun direita ha’u manan, ha’u la hatene se mak mai, ha’u la prepara pakote, ha’u la kompete”. Dehan Lere Anan Timur iha CCD, 09/09/2022
Iha tempu hanesan, Pakote uniku ne’ebe Lidera husi Estrutura atual ne’ebe re-eleitu ba periodu ida tan, Tenente Jeneral Reformadu Lere Anan Timor mos hato’o parabens ba Lo-Olo no Mari tanba Lere la hanoin hodi kompete ho maun Lu-Olo no Mari.
Enkuantu, iha kongresu loron dahuluk rezulta pakote uniku, iha ne’ebe Prezidente Partidu Freilin Francisco Guterres Lu-Olo no Sekretariu Jeral Mari Alkatiri re-eleitu hodi lidera Partidu Fretilin iha periodu 2022-2027
Jornalista : Jonh Marito
Editor : Luis Pailofo