Lori Naroman Ba Povu, FRETILIN Promete Implementa Programa Sexta Solidária
SAPNewsTL, Dili : Liu Husi kampanha Partidu Frente Revolusionáriu Timor Leste Independente (FRETILIN), Sekretáriu Jeral Mari Bin Amude Alkatiri promete, wainhira fila ba ukun, FRETILIN sei lori naroman ba povu ho programa sexta solidária, hadia edukasaun, saude, no infraestrutura
“FRETILIN ne’ebe viabiliza guvernu, ita konsege halo uma naroman ba povu, wainhira ita ba ukun, ita sei kontinua programa ne’e, programa sexta solidáriu halo uma ba povu, fahe kalen ba povu, povu tenki moris diak, hadia setor edukasaun, rezolve professor sira ne’ebe voluntariu no kontratadu, hadia saúde no desenvolve artes hotu-hotu nu’udar estadu nia oan”. Tenik Sekretáriu Jeral Partidu FRETILIN Mari Bin Amude Alkatiri, iha Tasi-tolu, 16/05/2023
FRETILIN tenki garante saude ne’ebe kualidade, edukasaun ne’ebe kualidade, infraestrutura kualidade, agua no saneamentu ne’ebe kualidade, hadia mal nutrisaun iha Timor Leste
Iha fatin hanesan, Presidente Partidu FRETILIN Francisco Guterres Lu Olo husu povu atu fo konfiansa ba povu hodi bele kaer guvernu no hadia setor sira liliu saude
“Vota ba Partidu FRETILIN, ita bele kaer guvernu hodi investe no hadia setor saúde, Ita haree ho matan liliu ba ita nia inan feto Sira ne’ebe atu partu Dok Liu husi Sentro Saude no estrada Dala ruma mos kareta Laiha atu tula Sira lalais ba to’o iha hospital, Dala ruma Sira mos hetan susar tuir Dalan, prezisa Hare oinsa mak atu bele koalia orsamento ida kona ba Saude nian hodi servi povu ba moris diak”. Promete Presidente Partidu FRETILIN liu husi diskursu
Lu Olo hatutan, programa FRETILIN nian sei investe makas Iha setor Saude, Saude ne’ebe dignu ba pesoal Saude Sira, nune’e bele fo atendimento ne’ebe dignu ba povu maubere oan sira
Presidenti Partidu FRETILIN husu ba Militante no simpatizante sira atu vota ba FRETILIN iha loron
21 Maiu 2023 hodi kontinua lori naroman ba povu, hasai povu husi kiak no mukit tanba kleur tebes ona povu kontinua moris iha linha propreza
Enkuantu, Komisiu Partidu FRETILIN ne’e hetan observasaun husi observador nasional no internasional sira, no seguransa husi Polisia Nasional Timor Leste (PNTL) no Batellaun Ordem Públika (BOP).
Jornalista : Ermelinda Soares