Maria Mak Mãe, Mestra & Modelu, Pe. Nivio : Sarani Diak Hatene Agradese
SAPNewsTL, Soibada : Komunidade Akadémika Universidade Nasionál Timor Lorosa’e (UNTL) hamutuk ho Saani Parokia Sagradu Kurasaun de Jejus Soibada hala’o proseisaun husi igreja to’o santuáriu Nossa Senhora Aitara, Iha missa agradesimentu Pe. Nivio Lepre hateten salvasaun iha mundu ne’e mai husi maria tanba maromak nia ispíritu tun ba nia maka Jesus Kristu moris mai mundu
“Ohin loron ita hotu hamutuk selebra loron ita nian feto nian iha mundu, tanba husi nia mak ita hotu bele moris no salva ita iha mundu, ita hotu hetan salvasaun iha mundu mai liu husi ita nia inan maria virgem, tanba maromak nia esperitu tun ba iha inan maria virgem mak hodi jesus kristu mai moris iha mundu ida ne’e hodu tau matan ba ita hotu”. Tenik Pe. Kapelaun UNTL Nivio Lepre liu husi nia Omilia, Santuáriu Nain Feto Aitara, Soibada-Manatutu, 13/05/2023
Padre Kapelaun UNTL ne’e hatutan, sarani diak tenki hatene agradese ba maromak tanba iha maromak ema hotu bele moris no hetan perdaun husi sala ne’ebe halo hasoru nia maun alin no maromak
“Ita sarani kristaun tenki hatene agradese ba maromak tanba liu husi inan maria virjem, ohin loron ita sarani sira agora iha mundu ida ne’e hodi halao atividade oioin, maromak nia espiritu tun ba iha inan maria virgin hodi kous ita nia jesus kristu hodi mai iha mundu ida hodi kasu ita nia sala sira ne’ebe mak ita halo iha mundo ne’e”.nia dehan
Padre Nivio mos husu ba ema hotu, keta haluha maromak, sarani diak tenki buka hatene agradese ba diak tomak mak hetan no simu iha moris ne’e, buka banati tuir inan maria tanba nia mak mãe, mestra no modelu
“Ha’u husu ba sarani kristaun sira hotu keta haluhan nafatin agrdese ba maromak tanba maria mak mãe, mestra no modelu, ita keta haluha maroma, buka banati tuir nia liafuan no hahalok sira hodi pasiensia hasoru problema hotu iha moris, maromak preokupa humanidade hotu, joven sira bele hatudu ba mundu katak imi forte maibe keta haluha maria hamutuk ho ita, nia mak ita njia forsa, nia mak tulun no bali ita, tenki tau fiar iha nia nafatin”. Nia hatete
Entretantu, Iha Missa Agradesimentu ne’e partisipa husi Magnífiku Reitor UNTL João Soares Martins, Pro Reitor sira, Dosente sira, funsionáriu sira, Senadu sira, estudante sira no sarani Parokia Soibada, portantu atividade ne’e hanesan eventu annual UNTL nian ne’ebe kada tinan sempre hala’o hodi halo reflesaun entre estudante, funsionariu no estrutura UNTL inklui hodi agradese no selebra mos nain feto maria nia loron 13 de Maiu
Jornalista : Luis Pailofo