Meet the Press Ho SECOMS, Durante Mandatu SEPC Konsege Ultrapasa Dezafiu Barak
SAPNewsTL, DILI: Sekretáriu Estadu Protesaun Sivil (SEPC sigla portuges) konsege ultrapasa dezafiu barak durante nia mandatu ne’ebe sira fo sai liu husi meet press ho Sekretariu Estadu Komunikasaun Sosial (SECOMS sigla portuges) ho topiku atinjimentu durante mandatu.
“SEPC nia vizaun no misaun tenke preparadu oinsa mak bele proteje ita nia komunidade nia vida no bainhira akontese dezastre, antes akontese dezastre para bele halo mitigasaun, protesaun no hamenus risku ba dezastre ne’ebe durante ami nia mandatu ami konsege responde lubuk ida mak halo protesaun vitima inundasaun iha loron 4 fulan abril 2021maski iha Covid-19 nia laran”, dehan SEPC Joaquim Jose Gusmão ba jornalista liu husi meet the press iha Auditóriu Palásiu Governu kinta (09/03/2023).
Sekretariu Estadu hatutan, durante sira nia mandatu sira hasoru dezafiu bo’ot mak Covid-19 maibe ho ajensia sira seluk sira ultrpasa opstakulu sira ne’e, dezastre akontesimentu makaas liu mak iha loron 04 fulan abril iha tinan 2021 mosu inundasaun ida ne’e iha los situasaun covid nia laran, difikuldade sira ne’e ultrapasa tanba iha unidade espesialidade bombeiru forsa terestre no maritima ne’ebe hetan ona formasaun atende dezastre natural tuir nia sira nia area, servisu sistema SEPC tenke diak nune’e ba oin bele tuir sistema menejementu nian ne’ebe maka halo planeamentu, organizadu , komprensivu no laiha diskriminasaun, para bele atinji vizaun no misaun ida ne’e trasa ona planu estratejia.
Iha fatin Sekretariu Estadu Komunikasaun Sosial (SECOMS), Mericio Juvinal dos Reis Akara hatete, meet press ida ne’e hodi atualiza informasaun ba jornalista sira kona-ba atinjimentu durante mandadu husi SEPC
“Ohin marka ona SEPC nia prezensa atu deklara servisu durante nia mandatu, programa meet the press kria atu konvida media sira atu informa divulga servisu ne’e durante ne’e saida mak atinji, karik mandatu remata, iha governante foun ne’ebe mai maibe sira nafatin, sira fo mensajen pozitivu katak governu foun sei kontinua buat diak ne’ebe antes SEPC anterior halo”, tenik Mericio
Reportajen: Juvita dos Santos Sarmento