Nelio Izaac: TL Seida’uk Prontu Sai Uma Na’in Ba Jogu CPLP 2024
SAPNewsTL, Dili: Ministru Juventude Desportu Arte Kultura Nelio Izaac Sarmento hatete, Timor-Leste (TL) seidauk prontu sai uma nain ba jogu Comunidade dos Paises da Lingua Portuguesa (CPLP) 2024 tanba seidauk kria infraestrutura diak utiliza ba jogu CPLP 2024.
“Tinan 2024 Timor-Leste seidauk bele sai uma nain ba Jogu CPLP tan ne’e, Ha’u hetete ba tekniku sira informa ba sekretariu CPLP iha sidade Lisboa, Portugal katak tinan ne’e ita la iha kondisaun”,
“Tinan oin ita komesa halo preparasaun infraestrutura utiliza ba jogu sira karik ita asegura kondisaun infraestrutura hotu ona mak ita foin introduz ba sekretariadu CPLP katak tinan 2025 mak ita bele sai uma nain ba jogu CPLP tanba minimu ita tenki kria kondisaun mak bele sai uma nain”, dehan Ministru Juventude Desportu Arte Kultural Nelio Izaac Sarmentoba jornalista sira iha salaun Ian Martin Balide, Dili sabadu (22/07/2023).
Ministru hatutan, uma nain ba jogu CPLP ne’e rotativa uluk Timor-Leste atu sai uma nain iha 2020 maibe labele tanba kestaun pandemia covid-19, nune’e agora atu sai uma nain tenki komunika nasaun membru CPLP hotu liu husi sekretariadu CPLP iha sidade Lisboa, Portugal katak preparasaun sei nafatin iha ka la iha ona.
Nia informa tan, nia orienta ekipa tekniku sira hahu komunika ba sekretariadu CPLP depois ekipa tekniku sira halo diskusaun hotu ho sekreriadu CPLP hare’e ba situasaun no kondisaun buat hotu los ona sei lori ba Assembleia Ministru Juventude Desportu CPLP para halo desizaun
Tinan ne’e asembleia Ministru Juventude Desportu CPLP sei halo reuniaun iha Angola maibe preparasaun tekniku ne’e iha sekretariadu CPLP iha Portugal no sekretariadu CPLP sei mai fali hare’e situsaun no kondisaun iha Timor-Leste bele ona mak bele sai uma nain ba jogu CPLP.
Reportajen: Augusto dos Santos