Parlamentu Foinsa’e Realiza Seminário Fanun Foinsa’e Utiliza Média Ho Produtivu
SAPNewsTL, Dili : Parlamentu Foinsa’e kolabora ho Alumni Parlamentu Foinsa’e Timor-Leste (APFTL), Sekretaria Estadu Juventude no Desportu (SEJD) no Sala Leitura Xanana Reading Room realiza semináriu ho Tema ‘Importansia, Oportunidade no Dezafiu Husi Média Online Iha Era Dizitalizasaun’.
Tuir Diretor Fundasaun Hadomi Timor-Leste, Nicko Linux Hatete Ohin mai hodi transmite ba públiku liliu joven sira atu bele intende kona ba oinsa bele prepara sira nia aan, sai kriativu hodi bele utiliza instrumentu média digital sira iha Moris lor-loron tuir prinsipiu informasaun no Komunikasaun.
“Ita uza média digital ne’e hanesan meius ida para atu halo Komunikasaun, atu hetan informasaun, entaun atu enkoraja joven sira para atu labele ko’alia Kona ba informasaun ne’ebe Mak lalos”. Dehan Diretor Fundasaun Hadomi Timor-Leste Nicko Linux Ba Jornalista Sira Iha Lecidere, Tersa (05/07)
Maioria Timor-Leste utiliza ona media sosial no internet signifika merkadu mak ida ne’e, Diretor Fundasaun Hadomi Timor-Leste, Nicko Linux husu joven Sira atu kria produtu media sosial, media digital sira tanba merkadu hein hela ema hotu-hotu
“Iha mundu teknológia ninian dadus hatudu katak ita iha merkadu, entaun ita halo produtivu konserteza ema sei uza ita nia produtu, exemplo hanesan Facebook ema kria Facebook ita Timor-Leste uza hotu kedas, tuir dadus 2021 ninian ita iha 1.3 miliaun, utilizasaun ba iha internet ne’e rihun atus neen resin kuaze metade Mak utiliza internet no mos iha media sosial”.Nia Dehan
Iha fatin hanesan, Presidente Parlamentu Foinsa’e Municipiu Dili Ronaldo Imadias do Rego hateten objetivu husi seminario ida ne’e mak atu hasa’e foinsa’e sira nia Kunesimentu oinsa bele utiliza instumentu média online ho diak, produtivu no efetivu
“Sira mos La’os utiliza deit ho efetivu maibe sira mos hateke ba oportunidade sira ne’ebe mak oferese iha instrumentu media online sira, atu nune’e Sira bele hetan benifisio sira ne’ebe mak oferese husi instrumentu sira ne’ebe mak iha media online ne’e nia rasik”. Dehan Ronaldo
Nia akresenta Semináriu ida ne’e realiza tanba hetan apoiu husi APFTL no mos servisu hamutuk ho Sekretariu Estadu Joventude no Desportu (SEJD), no kolabora ho Xanana Gusmão Reading Room inklui atividade barak ne’ebe sira halo tiha ona
“Formasaun ba iha Postu Admistrativu Atauru ne’ebe mak ami halo ona semana hirak liu ba, no mos formasaun Postu Admistrativu Metinaro, no iha ida tan mak ami mobiliza estudante sira ami halo atividades ida ho naran ICS program ne’e mak estudante sira ba vizita iha fatin ida kios matenek”. Tenik nia
Enkuantu Semináriu ne’e hetan partisipasaun maksimu husi joven sira inklui Alumni Parlamentu Foinsa’e Timor-Leste (APFTL) no Atual Membru Parlamentu Foinsa’e balun
Reportajen : Vitoriana Brites & Falvia