PD Husu Governu Resolve Problema Eis Trabalhador Iha Kompanha Guarda Lorosa’e
SAPNewsTL, Dili: Deputada Bankada PD Elvina Souza Carvalho husu ba governu atu buka solusaun ba problema ne’ebe mak eis trabalhador Kompanha Guarda Lorosa’e hasoru problema ne’e kleur tiha ona maibe to’o agora seidauk iha solusaun hodi rezolve.
“Ha’u husu ba governu atu haree solusaun ba problema ne’ebe mak eis trabalhador duador sira husi kompanha Guarda Lorosa’e, ita hotu hatene katak ne’e kleur tebes ona ita haree ba iha pontus importante husi problema ida ne’e direito trabalhador sira nian to’o ohin loron seidauk atinji”. Tenik Deputada Elvina Souza Carvalho iha Uma Fukun PN, Tersa-Feira, 05/07/2022
Deputada Bankada PD Elvina Souza Carvalho mos husu ba Ministériu Obras Públikas ne’ebe mak durante ne’e asumi nia knar, ita hotu hatene katak problema hanesan nee ita tenki mos buka solusaun ba ida nee maibe to’o agora seidaun iha solusaun neebe mak favoravel
“Ami nafatin husu no ejize ba governu atu buka solusaun ba problema ne’ebe mak eis trabalhador husi kompanha Guarda Lorosa’e tanba ne’e sira nia direito husu atu tau atensaun ba iha problema hirak ne’e ita la bele hare liu deit maibe buka solusaun ba problema ida ne’e”. Hakotu nia
Jornalista : Lidia Amaral
Editor : SAPNewsTL