Partisipa Iha Gala Dinner, PR Horta Presta Kmanek Natál Ba TL
Imajen Prezidente Repúblika, José Ramos-Horta hamutuk ho Raul Lemos no Krisdayanti iha festa Gala Dinner, Salaun OKA, 17 Dezembru 2022. Foto : Media PR
SAPNewsTL, Dili : Prezidente Repúblika, José Ramos-Horta, Sábadu kalan semana kotuk, partisipa iha festa Gala dinner organiza husi Raya Event, hodi selebra natál no Tinan foun.
‘’Tama dadaun ona bá Natál, ba ita bo’ot sira hotu-hotu, festa kmanek natál nian no tinan foun mai mos di’ák liu ba ita, di’ák liu ba Timor Leste,’’ Dehan Horta, Salaun OKA, 17 Dezembru 2022.
Ba Xefe Estadu, eventu Galla Dinner hanesan promosaun turizmu no talentu artista sira.
‘’Ho Raul Lemos no Krisdayanti nia eventu ne’e, ita bele dada liu tan artista mai Timor, agora balun kontaktu dadaun ona’’ dehan Xefe Estadu.
Raya Event lidera husi emprezáriu Raul Lemos ho nia espoza, Artista Krisdayanti nian.
Objetivu husi Raya Event nia ezisténsia atu kontribui ba dezenvolvimentu rai-laran liu-liu enterteinamentu no turizmu nian.
Enkuantu, Marka prezensa iha Gala Dinner ne’e, eís-Vise Governadór Timor Timur (1998), Tenente jenerál (Ref.) Johannes Suryo Prabowo,no anima husi artista Indonézia inklui artista Timor-Oan sira.
Jornalista : Vinsensius saldanha Morais De Araujo