PCIC Notifika DG ho JDS, TLPU Husu Jornalistas Firme Defende Liberdade Imprensa
Asosiasaun Timor-Leste Press Union (TLPU) Zenito da Silva,Dili, 23/12/2022
SAP NewsTL, Dili: Asosiasaun Timor-Leste Press Union (TLPU), Husu ba Jornalista sira atu apoiu nafatin ba maluk jornalista sira atu nafatin defende ba liberdade imprensa no espresaun hodi hametin nafatin estadu demokratiku, karik prosesu ne’e mak la’o nafatin hamutuk ita halo manifestasaun hodi hasoru autoridade sira ne’ebe hakarak kontra jornalista sira bainhira defende servisu profisional liu-liu ba Polisia Cientifika Investigasaun Criminal (PCIC) tanba jornalista la halo krime.
“Ami ohin akompaña ba kolega na’in-rua Domingos Gomes no Jorginho dos Santos iha PCIC depois iha ambitu inkeritu ne’e la bazeia ba karta notifikasaun ne’ebe hato’o, maibe liga fali ba notifikasaun anterior kona-ba publikasaun notísia husi jornal independente, ida ne’e ami hanoin katak autoridade seguransa sira halo Investigasaun ba ema ne’ebe lamerese atu fó informasaun tanba sé ko’alia kona-ba jornalista entaun jornalista durante ne’e la halo krime nune’e karik sira sente preokupadu ba publiku entaun tenke liu husi lei komunikasaun sosial iha artigu 2 alinea f ne’e”, dehan Sekretariu Jeral Asosiasaun Timor-Leste Press Union (TLPU) Jenito da Silva ba jornalista sira iha edifisiu PCIC Colmera,Dili sesta (23/12)
Nia dehan, jornalista ne’ebe mai prezensa iha PCIC ne’e ameasa boot ba liberdade imprensa iha Timor, tanba ema hotu hatene katak relatoriu ne’ebe publika iha mundu katak liberdade Imprensa ne’e diak no 17 iha Aziatiku, maibe tentativa ne’ebe dadaun ne’e Autoridade sira halo ne’e amaasa boot ba jornalista sira no nia implikasaun ne’e mos ba estadu Timor Leste.
“Ami husu ba Autoridade Seguransa sira hodi hapara aktus sira hasoru jornalista sira liu-liu PCIC tenke haree katak karta notifikasaun ne’ebe haruka ba individu ne’e tenke inkeritu ho ema indívidu, labele liga fali ba publikasaun jornalista sira nian tanba jornalista servisu bazeia ba lei komunikasaun sosial no Kodigu étika jornalistika”, nia akresenta
Jenito hatete, TLPU Husu ba Jornalista sira atu apoiu nafatin ba maluk jornalista sira atu nafatin defende liberdade Imprensa no liberdade espresaun hodi hametin nafatin estudu demokratiku, karik prosesu ne’e mak la’o nafatin ami sei halo manifestasaun boot ida hodi hasoru Autoridade sira ne’ebe hakarak kontra jornalista sira bainhira defende servisu profisional.
Journalista:John Marito & Ermelinda Soares