PD La Hein CNRT Mak Indika, Kalohan : Koligasaun Ne’e Konseitu Fahe Responsabilidade
SAPNewsTL, Dili: Relasiona ho lista sombra Membru Guvernu Dasia Ne’ebe viral iha média sosial, Sekretariu Jeral Partidu Demokrátiku (PD) Antonio da Conceição Kalohan haktuir nia parte seidauk hatene kona ba Organograma ka estrutura Guvernu Dasia tanba seidauk hatene Primeiru Ministru ne’ebé sei mai
“Ami nia koligasaun atu fo Esperansa ba povu Timor Leste Ne’ebe maka vota ona iha loron 21 Maiu liu ba, kona ba Membru Guvernu Ema nain hira ne’e Ha’u mos seidauk hatene, ami mos seidauk Hatene ami nia Primeiru Ministru tanba ne’e mak Ha’u seidauk pronunsia”. Tenik Sekretariu Jeral Partidu Demokrátiku Antonio da Conceição Kalohan ba Jornalista Sira iha Resintu PN, Dili, 26/06/2023
Deputadu Antonio hatutan “Ha’u Hatene Dehan katak karik Partidu ida ne’ebe manan konserteza nia tenki ba Primeiru Ministru hanesan ita nia Maun Boot Kayrala Xanana Gusmão, maibe Ha’u Labele koalia ida ne’e ho serteza tomak tanba Partidu Rua ne’e seidauk hasoru malu Para depois indizita Primeiru Ministru, Nune’e Bele hili nia membru governu”.
Relasiona ho lista sombra ne’ebe espalha ona katak PD sei asume Vise Primeiru Ministru Kalohan Hateten, “Ha’u Labele konfirma ida ne’e tanba Reuniaun ofisial Ami ladauk iha poderser iha enkontro Ne’ebe maka La’o no ha’u labele fo konfirmasaun katak PD sei asume Kargu vise primeiru ministru”. Nia Informa
Kalohan akresenta, Koligasaun Entre Partidu CNRT no PD ne’e Ko’alia Kona Ba konseitu fahe Responsabilidade hodi servi povu no nasaun
“PD la hein Deit Partidu CNRT mak indika, maibe koligasaun ami tenki Ko’alia ba konseitu ida fahe responsabilidade ida ne’e mak nafatin hau nia liafuan, katak pensamentu ida ha’u Nian Dehan fahe responsabilidade ne’e maka tradus ba governasaun ida agora daudauk mai”.
Entretantu, PD seidauk iha Lider de Bankada tamba ne’e Antonio da Conceição sei Kontinua asume Responsabilidade Xefe Bankada Partidu Demokrátiku iha PN tanba nia maka antes ne’e sai Xefe Bankada iha Kinta Legislatura
Jornalista: Ermelinda Soares