MF, INE-TL & Banku Mundial Lansa Planu Estratéjia Estatístika 2023-2033
SAPNewsTL, DILI: Institutu Nasional Estatistika Timor Leste (INE-TL,IP), hamutuk ho Ministeriu Finansas (MF) no Banku Mundial lansa Planu Estratéjia Nasional ba Dezenvolvimentu Estatistika (PENDE, 2023-2033) iha Salaun Auditorium Ministériu Finansas Aitarak-Laran
Tuir Prezidente INE-TL,IP Elias dos Santos Ferreira haktuir ohin loron sira halo lansamentu ba planu Estratéjia ba tinan 2023-2033 nian hamutuk ho Ministeriu Finansas no Banku Mundial
“Ohin INTL,I.P, hamutuk ho Ministériu Finansas no Banku Mundial hala’o lansamentu ba planu estratejia nasional ba dezenvolvimentu estastistika 2023-2033, portantu planu ba oin, Relatóriu ne’e importante tanba planu saida deit mak INE-TL planu ba relatoriu ne’e tau prioridade ba 2023-2033”. Dehan Prezidente INE-TL,IP ba Jornalista sira iha Salaun Auditorium Ministériu Finansas,Tersa-feira(27/06/2026)
Nia haktuir, “planu estratejika ba Tinan Sanulu (10) ne’e ami husi INE-TL sei habadak ba planu tinan lima (5), depois ikus liu mak planu anual, tanba ne’e mak sese deit mak lidera Instituisaun ne’e hala’o servisu tuir duni planu ne’ebe mak iha tanba ho planu ne’e mak ita bele tau orsamentu”
Prezidente ne’e informa planu importante sira ne’ebe mak sei halo peskiza ba pobreza sira, forsa trabalhu, no demografia sira
“Entre tinan sanulu(10) ne’e ita sei halo peskiza ba kiak, forsa traballu, demografia Saúde Timor-leste, ne’e peskiza boot ne’ebe mak periodu ida kada tinan lima (5). Aleinde ne’e mos iha peskiza ki’ik oan ne’ebe mak presija, se ita hakarak dadus atu kobre indikador sira ne’ebe mak iha”.
“Importante liu mak fokus liu ba dadus kada linha Ministérial, iha linha Ministériu ne’e dadus Administrativu iha. Dadus ba kolekta, Públika, dezimina para ema hatene, ne’e importante ba ita nia governante sira para halo planu tuir duni dadus ne’ebe mak iha no Ikus liu mak bem estar ba ita nia povu” Nia realsa
“Orsamentu ne’ebe mak ba planu estratejia ne’e mai husi Banku Mundial apoiu asistente teknika, buat hotu-hotu, koleksaun, analiza ne’e ita nia governu. Purtantu aktividade hotu ne’ebe INE-TL iha ne’e hetan apoiu mos husi linha ministériu sira ” Nia hakotu
Enkuantu, Partisipa iha Serimónia Lansamentu ne’e mak hanesan Ministru Finansas Rui Gomes, Prezidente INE-TL, Parte Banku Mundial inklui konvidadus sira.
Jornalista: Marcela Mery da Costa