PDC Promete Moderniza Setor Seguransa No Defeza, Rekruta Membru PNTL No F-FDTL

SAPNewsTL, Likisa : Partidu Demokrata Cristão (PDC) hala’o dor to dor iha Postu Administrativu Maubara Munisipiu Likisa, Prezidente PDC Francisco de Araujo Promete Wainhira Partidu Democrata Cristão hetan fiar husi povu sei moderniza no hadia Setor Seguransa no Defesa, desenvolve setor Peskas hodi kontribui ba desenvolvimentu nasaun nian

“PDC mai ho nia programa prioridade mak hakarak, atu modernizsaun ba setor Defeza no Seguransa, kontinua sosa ekipamentus hanesan Ro’o funu, Aviaun hodi bele halo kontrola ba ita nia rikusoin husi Tasi Mane to’o Tasi Feto, nune’e bele prevene Peska Ilegal sira, kontinua sosa Ekipamentus ba Membru Militar sira no mos rekruta membru F-FDTL inklui fo mos Bolsa ba sira hodi bele iha koñesimentu iha area Aero no Maritima”. Dehan Prezidente PDC Francisco de Araujo ba jornalista sira iha Postu Administrativu Maubara Munispiu Likisa, 28/04/2023

Prezidente PDC ne’e mos Preokupa ekipamentu sira F-FDTL no PNTL ne’ebe minimu, PDC promete wainhira manan kontinua rekruta membru F-FDTL no PNTL inklui sosa ekipamentu modernu hodi fasilta sira nia servisu iha terenu

Iha Parte seluk, Francisco de Araujo haktuir “wainhra PDC manan sei sosa ekipamentus Bero, rede ba Peskador sira no subsidia Peskador sira, nune’e sai hanesan motivasaun ba sira hodi bele loke Fabrika iha rai laran hodi bele reduz importasaun husi rai liur, motiva mos ita nia emprezariu kiik oan sira hodi investe iha setor peska hodi bele loke fabrika  no bele fo servisu ba Timor oan sira,”nia hateten.

Iha fatin hanesan, Vise Presidente Partidu PDC Domingos Da Costa hatutan, “PDC mai ho alternativu foun no planu iha merkadu ne’ebe de’it tenki iha hariis fatin ne’ebe adekuadu ba ema hotu, iha fatin ne’be dignu ba faan nain sira hodi faan sira nia produtu no hafolin produtu hotu ne’ebe komunidade sira”. defende Domingos

Jornlista : Lidia Amaral