Peskija Tane Konsumidor Amostra Folin Kombustivel Baratu Iha ETO & Aitula Fuel

SAPNewsTL, Dili: Liu husi Komunikadu Imprensa ne’ebe realiza tersa-feira ne’e, Assosisaun Tane Konsumidor (ATK) haktuir  fatin kombustivel 21 iha Dili,  Gazolina no Gazoel baratu iha Esperansa Timor Oan (ETO) no Aitula Fuel iha Timor-Leste.

“Tuir dadus  ATK foti iha loron 7  fulan fevereiru 2023 iha  merkadu nasional hamutuk Postu kombustivel iha Dili laran hamutuk 21 ho husi distribuidor 3 hanesan ETO, Pertamina Internasional no Global, ita nia distribuidor tolu  ne´e foti mina husi Singapura,  folin maximu 1,56 USD, iha Mãe Grasa, minimu ho folin 1,35 USD iha ETO Fuel no  gazolina maximu 1,35 USD iha Mãe da Graça no minimu 1,25 USD Aitula Fuel”, dehan Prezidente ATK  Antonio Ramos da Silva ba jornalista iha  Vila-Verde, Dili kinta  (15 / 02/ 22).

Prezidente ne’e hatutan, objetivu husi peskiza  ne’e hodi bele habelar informasaun ba konsumidor sira kona-ba peskiza ida ne’e, tanba sira konsidera peskiza kona-ba folin mina ne’e importante atu bele ajuda konsumidor sira hatene folin mina ka konbustivel iha postu kombustivel sira iha Dili laran

Nune’e, bele enkamiña sira ba ida ne’ebé maka baratu liu, portantu, iha merkadu internasional estabelese entre 85,92 USD referensia ba Brent Crude oil no folin 79,25 USD referensia ba WTI Crude oil price.

Nia informa,  Ba enquadramentu legal, alterasaun ba dekretu lei no. 29/2011, kona-ba presu  justu, adota rejime legal nesesariu hodi regulariza folin sasan ne’ebe justu, kona-ba knaar ANPM liu husi Diresaun Nasional Down Streem (DSDS), nian mos la fó kbiit kona ba estabelese no kontrola folin mina iha merkadu, Timor Gap, Empreza públika (TG,Ep),  bele fornese mos mina liu husi estabelese postu kombustivel distribui mina iha merkadu.

Jornalista:  Antonio Tilman