PM Taur Sei Vizita Australia & Indonesia Iha Fulan Fevereiru
Primeiru Ministru Taur Matan Ruak, hafoin sorumutu ho Presidente Da Republika iha Palasio Presidensial Nicolau Lobato Bairo-Pite Tersa- feira nee 24/01/23). Foto : Media PR
SAPNewsTL, Dili : Primeiru Ministru Taur Matan Ruak hala;o Enkontru semanal ho sua excelensia Presidente Da Republika Jose Ramos Horta hodi ko’alia kona ba Eleicoes parlamentares no viagem xefe Governo nian ba Australia no Indonesia.
“Ami ko’alia asuntu rua ida maka Eleisoes parlamentares ne’ebe sei hala’o iha tinan ida ne’e, no Ha’u nia Vizita ba Australia no Indonesia”. ( Dehan Xefe Governu hafoin sorumutu ho Presidente Da Republika iha Palasio Presidensial Nicolau Lobato Bairo-Pite Tersa- feira nee 24/01/23).
Tuir Primeiro Ministro Taur Matan Ruak, desizaun saida maka Presidente Da Republika foti, Governo Pronto atu asegura Eleicoes ne’ebe mai ho diak.
“Hanesan ita boot sira hatene marka loron ba eleicoes ne’e perogativa ida, husi parte Governu nian Ha’u garante ba sua excelensia Presidente da Republika katak Lao ho diak”.( dehan xefe Governo Ruak)
Enkuantu Primeiro Ministro Taur Matan Ruak mos ko’alia kona ba viagem xefe Governo nian ba Australia no Indonesia
“Ko’alia uituan kona-ba ha’u nia vizita. Ha’u tinan hira ne’e laiha vizitas mos agora dadaun ne’e, Hau iha ajenda vizitas rua ida iha Primeira semana iha dia 7 no 8, Ha’u ba Australia e depois tuir Mai segunda semana lasala Ha’u sei ba Indonesia”.( haktuir Primeiro Ministro iha Palasio presidensial Bairo-Pite ).
Jornalista : Vinsensius Saldanha Morais De Araujo