PNTL Dili Kaptura Ona Suspeitu Deskonfia Na’ok Motor
SAPNewsTL, Dili – Komandu Polisia Nasional Timor-Leste (PNTL) munisipiu Dili, kaptura ona suspeitu sira ne’ebe deskonfia envolve iha kazu naok motor iha Kapital Dili
Tuir informasaun ne’ebe SAPNewsTL, asesu liu husi pagina Facebook Servisu Relaçõens Publiku, informa iha loron 28 Dezembru 2023, hatudu katak, hafoin simu informasaun hosi fontes Xefi Servisu Informasaun Polísia Nasionál (SIPN),
SIPN Orienta kedas ekipa servisu sekreta Aranha Leste, Aranha Oeste, Ekipa FP buka tuir autór sira ba krime públiku no konsege asegura suspeitu sira ne’ebé deskonfia envolve iha kazu naok motor iha Kapital Dili
Iha prosesu identifikasaun suspeitu sira koopera di’ak no sira deklara katak motórizada balu sira naok iha area Dili laran maka hanesan Porto Dili, Kampo baru, Fomento 2, Kolmera, Mercado Taibesi Laran, Palacio prezidente nia oin.
Hafoin halo identifikasaun, Xefi ekipa SIPN entrega diretamente suspeitu nain-11 hamutuk ho evidénsia sira ne’e ba Departamentu Investigasaun Kriminál Nasionál hodi halo prosesu investigasaun klean.
Entertantu, ekipa konjuta Aranha Leste, Aranha Oeste, konsege asegura evidensia motorizada neen (6) ne’ebe deskonfia suspeitu sira naok iha tempu kalan, hafoin entrega direita ba Servisu Departamentu Investigasaun Kriminál Nasionál.
Jornalista : Guilhermino Ramos da Cruz