Domingos Oho An Iha Atsabe ! Tinan Ne’e Ema Na’in 10 Oho An
SAPNewsTL, Ermera : Ohin sidadaun mane ida ho Naran Domingos Maria deside oho an iha Suku Malabe, Postu Administrativu Atsabe, Munisipiu Ermera.
Tuir informasaun ne’ebe Jornalista SAPNewsTL no akompanha iha terenu nota katak Sidadaun domingos maria oho an uza besi 6 mm ne’ebe nia kadi halo kroat hafoin nia koa rasik ba ninia kakorok iha nia kuartu laran.
“Sidadaun domingos oho an uza besi 6 mm ne’ebe nia kadi halo kroat hafoin nia koa rasik ba ninia kakorok tanba sidadaun ne’e sofre moras mental kleur ona.”Jornalista SAPNewsTL akompanha iha terenu, Suku Malabe, Postu Atsabe, 29/12/2023
Durante Domingos oho an iha kuartu laran, familia sira informa katak sira nia parte la hatene katak Domingis Maria oho an tanba dader ne’e nia hemu kafe hamutuk ho familia sira iha uma laran.
Hafoin insidente ne’e mosu, Parte Eskuarda Polisia Nasional Timor-Leste (PNTL) Postu Administrativu Atsabe to’o kedas iha fatin akontesimentu hodi halo identifikasaun kona ba kauza husi akontesimentu ne’e.
Iha tempu hanesan, Parte Saúde mos to’o iha fatin refere hodi salva nia vida maibe infelizmente la konsege tanba nia uza besi refere ko’a iha kakorok ho kondisaun laiha ona iis.
Enkuantu, tuir planu mate isin sei lori ba Hospitál Nasionál Dili hodi halo autopsia ba matebean nia isin, hafoin sei lori fali ba nia rai moris fatin hodi hakat ba prosesu fúnebre tuir tradisaun familia nian iha Postu Administrativu Atsabe Munisipiu Ermera.
Tuir dadus ne’ebe SAPNewsTL rekolla durante tinan ne’e (2023), kasu oho an ka suisidiu hamutuk na’in sanulu (10) entre sira feton nain neen (6) no mane na’in haat (4) , kazu hirak ne’e akontese iha Munisipiu Dili (3), Covalima (1), Bobonaru (1), Manufahi (1), Baukau (1) Lautem (1) no Ermera (2).
Jornalista : Conzita Mota