Polémika Rai Markoni, Deskonfia Involve Agénsia Estadu No Xefe Suku
SAPNewsTL, Dili : Relasiona ho Polémika Rai Markoni, Iha Plenária Parlamentu Nasionál orseik, Deputada Bankada Congresso Nacional de Reconstrução Timorense (CNRT) Fernanda Lay kosidera Rai Markoni ne’ebé mak dadauk ne’e sai polemika iha Nasaun ne’e mosu ona mafia rai nian.
Tuir Deputada Bankada CNRT Fernanda lay hateten rai Markoni ne’ebé mak sai polémika tuir kronolojia ne’ebé mak sira akompaña katak rai ne’e ninia estatutu mak hanesan ho Costa Nova
“Iha momentu ne’eba iha sidadaun ida ne’ebé mak aluga rai ne’eba iha kompaña Australia nian hodi halo ba sira nia rezidénsia no ikus mai estadu ba foti katak dehan ne’e rai estadu nian”. Dehan Deputada bankada CNRT Fernanda Lay iha Uma Fukun Parlamentu Nasional, 19/09/2022.
Deputada ne’e husu ba Ministru Justisa no Terras e Pripriedades atu haree didi’ak ba lei kona-ba rai nian.
“Husu ba Ministeriu Justisa no mos Terras propriedades para atu haree didi’ak iha lei rai ne’e nian, nune’e la bele hamosu manipulasaun, ami deskonfia ema sira ne’e servisu hamutuk ho ajensia estadu nian para halo kontratu ba rai”. Deputada salienta
Ema hirak ne’e uluk hela iha Fatuhada, ema ne’e ba hela tiha iha Bali i agora nia mai fali ho diploma ida katak rai ne’e ninian iha tempu 1974, Deputadu ne’e hateten nia mos hola rai iha ne’eba, katak rai nain ne’e fahe hotu tiha ona no rai sira ne’e estadu nian.
Deputada Lay ne’e mos kestiona kona-ba Xefe Suku ne’ebe asina hodi kontribui ba krime refere
“Governu iha tinan hirak liu ba, iha governasaun anterior la fo aluga atu halo ba bomba gazolina tanba, dehan rai ne’e estadu nian, ohin ema ne’eba deklara katak rai ne’e ninian, pior liu mak Xefe sira mos asina hotu hodi kontribui ba iha Krime ida ne’e i ami la hatene husi Ministeriu Obras Públikas (MOP) ho Terras Propriedades mak fo autorizasaun liga ho avara de konstrusaun”. Tenik Fernanda Lay
Enkuantu, Kazu refere hafoin Ministru Justisa tun ba terenu iha loron hirak liu ba, agora daudaun iha ona faze investigasaun, inklui Ministeriu Justisa suspende ona funsionariu balun ne’ebe deskonfia involve iha kazu refere
Jornalista: Lidia Amaral
Editor: Ekipa Editorial