Prevene Vírus Raiva ! Autoridade Manufahi Oho Asu & Hakoi Ho Eskavator
Imajem : Ekipa konjunta iha Munisípiu Manufahi halo operasaun no oho asu iha Same, 14/08/2025. Foto : Média PAM Manufahi
SAP News TL, Manufahi : Autoridade Munisípiu Manufahi liu-husi Diresaun Protesaun Sivil no Jestaun Dezastre hamutuk ho ekipa konjunta tama sai uma hodi oho balada hanesan asu no hakoi ho eskavator tanba ameasa ba ema nia saúde.
Tuir komunikadu ne’ebé Mídia Sapnews asesu liu hosi pajina ofisial Autoridade Munisípiu Manufahi haktuir katak Autoridade Munisípiu Manufahi liu-husi Diresaun Protesaun Sivil no Jestaun Dezastre Diretór Leandro Tilman lidera ekipa kompostu husi Diresaun Jestaun Merkadu no Turizmu, Ekipa Saneamentu Munisipál, Seguransa Sivíl, Diresaun Saúde Munisipál no Diresaun Agrikultura Munisipál hamutuk ho ekipa PNTL Munisipál hala’o operasaun ba animál “asu” ba Prevensaun moras Raiva/Rabies iha Suku Tutuluro, Postu Administrativu Same.
“Operasaun Konjunta ne’e bazeia-ba SIRKULAR Autoridade Munisipál nu 319 dia 14 Agostu 2025, ba fatin sira ne’ebé risku ba moras Raiva/Rabies ne’ebé mak halakon ona alin feto ida ho idade tinan 8 iha Suku Tutuluro”. Sita Pajina ofisial Autoridade Munisípiu Manufahi, 14/08/2025
Operasaun Konjunta ne’e mos, ekipa oho asu lima (5), no ekipa operasaun konjuntu koordena kedas ho Kompañia balun ne’ebé iha eskavatór hodi ajuda ke’e rai hodi hakoi asu, nune’e moras ne’e labele hadaet moras raiva iha Manufahi.
Virus Rabies ! Asu Tata Rezulta Labarik Feto 1 Lakon Vida Iha Same
Labarik feto ida ho idade tinan 8 lakon vida Iha segunda-feira (11/08) horsehik, tanba asu tata iha aldeia Dalun suku Tutuluro iha fulan tolu (3) liu ba.
Xefi Suku Tutuluro postu administrativu Same, Munisípiu Manufahi Benedito Amaral haktuir liu husi vida telemovel informa katak, labarik ne’e asu tata iha fulan tolu (3) liu ba, wainhira nia sai husi eskola, hafoin asu tata ba halo kedas Tratamentu iha ospital, maibé la konsege rekopera no horsehik lakon vida iha oras tuku 10:00 oras Timor-leste. Sita Página Serviços Municipais de Proteção Civil e Gestão Risco Desastre Naturais iha loron, 12/08/2025
Benedito Amaral hateten, asu ida tata labarik ne’e, asu fuik no moras, tata matebian ne’ebé foin sai husi eskola, asu refere komunidade sira oho no haan tiha, tanba ne’e hanesan lideransa komunitaria preukupa tebes ho situasaun ida ne’e.
“Komunidade suku Tutuluro sai ona rísku ba virus rabies husi asu, no apela ba komunidade suku Tutuluro, atu kuitadu an husi asu-fuik sira ne’ebé bele fo rísku ba komunidade nia vida”. Nia dehan
Xefi suku Tutuluro husu ba Ministeriu saúde, hodi halo vasinasaun ba asu hakiak sira hodi prevene komunidade sira husi virus perigu ne’e.Compre vitaminas e suplementos
Iha sorin seluk, Diretor servisu munisipal saúde munisipiu Manufahi, Vítor Martins informa katak informasaun refere loo, parte saúde munisipiu Manufahi, simu ona informasaun husi Dotor sira iha ospital referal Maubisse.
“Matebian ne’e ba halo tratamemntu, hatudu duni sintomas isin-manas no tauk bee, matebian nia amostra haruka ona ba teste iha Dili, nia rezultadu ita foin rona aban ka bainrua”. Nia informa
Diretor Vítor Martins relata katak, munisipiu Manufahi tama ona ba rísku liña mean ba virus rabies husi asu, tanba ne’e servisu saúde munisipal sei forma ekipa task forse kompostu husi servisu relavante sira, atu hala’o advokasia hodi prevene virus rabies ba komunidade sira iha Munisípiu Manufahi.Compre vitaminas e suplementos
Parte saúde mós sei foti amostra ba komunidade sira ne’ebé oho no haan asu ida ne’ebe tata matebian hodi haruka ba teste iha Dili hodi detekta.