Produtu Lokal La Folin Iha Merkadu, Maria Husu MCI Loke Indústria
SAPNewsTL,Dili: Oan Sira mak sai fini, futuru no esperança Familia nian, Inan Feto Maria de Deus Moris hanesan agrikultor hodi kuda modo sustenta oan sira ba eskola, Família simples ida ne’e hela iha Aldeia Halidolar, Suku Hera, Postu Administrativu Kristu Rei.
Wainhira Jornalista SAPNewsTL dada lia ho Maria de Deus, Nia haktuir, “Lor-loron halo to’os hodi kuda mostarda no kanko iha kintal laran, Nune’e bele faan no hetan osan hodi sustenta nesesidade uma laran no fasilita oan sira ba eskola”.
“Ha’u sempre tulun Ha’u nia kaben iha kualker servisu, bele halo toos, kuda produto iha sira nia toos laran hodi ba faan iha merkadu Taibess”. Tenik Maria de Deus ba SAP News iha Hera, 16/07/2023
Produtu ne’ebe inan Maria ba fa’an iha merkadu mak hanesan Mostarda, no Kanko, produtu hirak ne’e ba faan iha oras tuku 2:30 madrugada
“Maski rai seidauk naroman, Maibé Ha’u tenki La’o sai husi uma iha oras hanesan ne’e hodi bele lori nia Produtu ba faan iha merkadu Taibesse, lori produto neebe barak tebes maibe produtu hirak ne’e ba ema ladun sosa triste tebes sempre mai ho oras ne’ebe mak mais sedu liu maibe produto refere ema ladun sosa,”Dehan Maria
“Hein husi rai nakaras to’o meudia mos sei kontinua faan to’o produtu refere hotu mak foin fila fali ba nia uma iha Hera, mostarda ne’ebe fa’an futun nee ho folin Dolar “$1.00 no ema la sosa liu balun fo deit ba ema hirak ne’ebe iha merkadu no lori fila ba uma hodi fo han ba Animal ne’ebe hakiak iha uma”.
Maria esklarese, “Mostarda ne’ebe kuda iha kantadeiru ne’e barak tebes maibe mostarda hirak ne’e faan hotu hetan osan ho montante neebe mak kiik tebes osan hamutuk dolar $ 80.00”.
Osan ho montante ne’ebe mak kiik tebes Maibe, Tia Maria de Deus senti kontenti maski ho osan ne’ebe nia hetan ne’e uituan tebes maibe bele sustenta nesesidade uma laran no selu oan sira nia eskola
Tia Maria de Deus mos iha oan ne’ebé mak laran osan mean no Badinas servisu, maski sira ho idade ne’ebe mak kiik sira iha hanoin ne’ebe mak diak tebes bainhira sira sai eskola sira sempre ajuda sira nia inan aman iha toos laran
Enkuantu, Inan Maria iha oan feto nain haat(4) no Mane Na’in ida (1), Sidadaun maria husu Guvernu liu husi Ministériu Comersiu no Indústria (MCI) loke indústria hodi bele hafolin produtu povu kiik Sira nian
“Hakarak husu ba guvernu hodi loke indústria no Sosa produtu lokal Komunidade nian, nune’e ami povu kiik sira bele hetan rendimentu ne’ebe naton hodi dudu oan sira ba eskola no sustenta ami nia nesesidade”.
Jornalista: Lidia Amaral