![Ho Matan-Ween, PM Xanana : Hamutuk Hanoin & Hadia Rai Ne’e Ho Matan-Ween, PM Xanana : Hamutuk Hanoin & Hadia Rai Ne’e](https://sapnewstl.com/wp-content/uploads/2023/07/IMG-20230719-WA0019.jpg)
Ho Matan-Ween, PM Xanana : Hamutuk Hanoin & Hadia Rai Ne’e
![](https://sapnewstl.com/wp-content/uploads/2023/07/1689764331188-650x432.jpg)
SAPNewsTL,Dili: Dahuluk iha istoria Timor-Leste, Parlamentu Nasionál fó votu unanimidade hodi aprova Programa IX Governu Konstitusionál, hafoin hala’o apresiasaun durante loron rua.
S.E. Sr. Primeiru-Ministru, Kay Rala Xanana Gusmão hato’o agradesimentu ne’e ho
ne’e ho matawen. “Ha’u tenke dehan se ida ne’e ba nafatin iha ita nia rai no povu, tanba la’òs ita inimigu ba malu, maibè tanba povu ne’e, povu ne’e mak halo ita hamutuk, hamutuk iha hanoin, tanba ne’e mós maka lori naran governu ho partisipasaun ida kritika mais konstrutivu teb-tebes hosi imi hotu ha’u hakarak deklara iha ne’e katak, governu retira nia pedidu votu konfiansa, tanba imi fó tiha ona imi nia liafuan vale liu surat tahan ida,” PM Xanana deklara iha Parlamentu Nasionál.
Xefe Governu reafirma, agora tempu ba goverrnu ida ne’e atu servisu makaas, servisu hamutuk ba kontrusaun estadu atu hadia povu no nasaun nia dezenvolvimentu.
“Dala barak teb-tebes ona mai iha uma fukun ida-ne’e, ohin ha’u bele dehan katak ho tempu la’o dadauk iha Konstrusaun Estadu no Konstrusaun Nasaun ho dezafiu no difikuldade ne’ebé ita mós ultrapasa tiha ona to’o agora povu bele fiar katak bainhira temi reafirmasaun Estadu Direitu Demokrátiku”.
“Ita boot (deputadu/a) sira mak iha ne’e hamutuk ho ami ita reafirma ida ne’e iha Estadu Direitu Demokrátiku. Ida-idak ho ninia funsaun ne’ebé Konstituisaun RDTL fó, mandatu ne’ebé povu fó ne’ebé ita nia hanoin ida de’it atu serbi rai ida ne’e”.
Governante ne’e kontra “Dezde 2007 to’o 2015 primeira vez mak ha’u mai fila iha ne’e, primeira vez maka debate iha Parlamentu Nasionál hatudu katak ita komesa ona hanorin ita nia joven sira no sosiedade nia maturidade politika,” dehan PM.
PM Xanana hatutan, agora tempu ba mudansa no la’òs ona tempu atu kria inimigu ba malu, maibé buka de’it mak amigu hodi fó solusaun ba problema nasaun nian.
Hafoin rona deklarasaun xefe governu, deputadu sira hotu Hamrik hodi basa liman hatudu respeitu no domin molok la’o ba kumprimenta Xefe Governu ho membru governu sira.
Reportazen:Marcela Mery&Lidia Amaral