Reduz Isin-Rua Sedu, Embaixador Boa Vontade UNFPA Vizita Eskola Konis Ermera
SAPNewsTL,Ermera : Hafoin hala’o vizita ba Sentru Saúde Gleno-Ermera, Embaixador Boa Vontade United Nations Population Fund Timor-leste(UNFPA), Catarina Furtado kontinua halo mos vijitasaun ba eskola Sekundaria Nino Konis Santa De Gleno hodi halo sensibilizasaun saude sexsual no prevensaun isin rua ba alunus sira
Haktuir embaixador Boa Vontade UNFPA katak presija kria fatin ne’ebe diak hodi nune’e joven sira hato’o sira nia duvida kona-ba saude sexsual, relasaun sexual, prevensaun isin rua, moras hadaet ne’ebe mak nasaun Portugal halo desde tinan 1990
“Kona-ba vijita iha eskola, Ha’u iha lia-menon ida katak ita presija kria espasu ne’ebe bele fo assesu ba joven sira. iha Portugal desde 1990, ita halo espasu ne’ebe fo oportunidade ba joven feto ho mane livremente ba klarifika sira nia duvida hotu’.
“Dúvida sira kona-ba saude sexsual, relasaun sexual, prevensaun isin rua, moras hadaet liu reladaun sexual ne’e ajuda teb-tebes halo edukasaun ba joven sira iha area ida ne’e” Dehan Embaixador Boa Vontade UNFPA, Caratina Furtado ba Jornalista sira iha sekola sekundaria Nino Konisanta Gleno, Quarta-feira (06/09/2023)
Iha fatin hanesan, Adjunto Diretor Eskola Sekundaria Nino Konis Santa Gleno Gaspar dos Santos rekomenta ba UNFPA no governu hodi apoiu ba eskola refere tanba sala de aula menus no mos menus husi professores sira
“Dezafiu ne’ebe mak eskola ne’e enfrenta mak limitasaun sala de aula,falta de professores. Rekomendasaun ne’ebe mak ami bele hato’o ba UNPFA mak presija fo apoiu mai ami no ministériu kompetente fo apoiu ami iha sala de aula tanba ami nia alunus mais ou menus 2500 ne’e mak sai difikuldade ba ami”Nia husu
Embaixador Boa Vontade United Nations Population Fund Timor-leste(UNFPA), Catarina Furtado nia vijitasaun ba eskola Sekundaria Nino Konis Santa de Gleno hodi halo sensibilizasaun saude sexsual no prevensaun isin rua ba alunus sira, oinsa bele reduz númeru isin-rua sedu no moras hadaet relasaun sexual iha Timor Leste
Jornalista : Marcela Mery da Costa