Fasilidade Saúde Aat, UNFPA Preokupa Inan Isin-Rua Ho Bebe Mate Iha Ermera
SAPNewsTL,Ermera : Representa United Nations Population Fund (UNFPA sigla ingles),iha Timor Leste Pressia Arifin preokupa, laiha parteira iha sentru saude Aitura hodi atende inan isin rua halo atendimentu tarde no inan isin rua mate
Situasaun ne’e akontese bainhira inan ida kous ba dala-9 no nia tur ahi la iha atendimentu, depois nia bebe mate no nia hahu hetan ran fakar no familia deside bolu enfermeiro, iha sentru saude ida maibe parteira laiha
“Ida ne’e problema bo’ot teb-tebes, ita iha parteira mais ou menus 300 no mediku 100 ne’ebe agora dadaun ne’e servisu la iha presija investimentu bo’ot iha saude reprodutiva, saude materna. Agora governu iha 600 milloens iha nia orsamentu maibe ba saude materna sira aloka ne’e menus de 200 mil, entaun ne’e kiik los presija investimentu ne’ebe mak bo’ot atu nune’e ita bele rejolve saude materna,”Dehan representante UNFPA iha Timor Leste, Pressia Arifin-Cabo ba jornalista sira hafoin hala’o vizita direitamente ba Sentru saude Glenu Ermera Quarta (06/09/2023)
Entertantu, Diretora Sentru Saude Glenu Alxina Fernandes da Silva, relata kondisaun maternidade ba embaixadora Boa vontade UNFPA no representativa UNFPA kona ba situasaun Sentru Saúde iha Ermera katak kondisaun Sentru Saúde ladiak
“Ami nia maternidade ne’e hari’i tinan sanulu resin tolu(13) ona ho kondisaun ne’ebe mak odamatan sira aat ona, material sira ne’ebe mak ami uza barak mak kondisaun aat, ami espera katak nia vijita ne’e bele fo asaun positiva ida ba ami nia sentru saude liu-liu ba ami nia maternidade, Tenik nia
“Ha’u hakarak hateten katak ami iha ne’e iha equipa bo’ot, ami iha mediku parteira ne’ebe mak ami iha mediku sanulu(10), parteira sanulu(10), enfermeira no depois mos ho aliadu sira, aktividade ne’ebe mak ami halo lor-loron iha ne’e mak konsulta ba inan isin rua sira depois planeamemtu familia, partus no ami atende lor-loron”. Nia Informa
Diretora Alxina realsa, Iha ne’e hahu husi janeiru to’o agora bebe iha nain sanulu(10), bebe ida mate iha kabun laran ona iha loron ida ou balun liu bá, ida(1) deit mak mate ho aspiksia katak mate ho kondisaun ne’ebe mak bele dada iss hela maibe depois de sira halo atendimentu labele salva nia vida
“Durante atendimentu ativu ba pasiente Inan isin rua sira iha sentru saude Glenu sira konsege rejistu numeru mortalidade bebe hamutuk tolu mak lakon vida,ami registu mate tolu(3), maibe ida mate iha uma katak partu rasik, ida seluk mate iha ambulansia laran, horseik ami kazu inan ida(1), mate ne’ebe antes nia bebe moris uluk iha uma maibe tuir deklarasaun husi enfermeiru ne’ebe ba asiste katak bebe mate iha inan nia kabun”
Enkuantu, tuir observasaun ne’ebé Sapnews nota iha terenu katak Mediku sira senti onradu, bainhira Embaixadora Boa vontade UNFPA, Cataruna Furtado no reprezentante United Nations Population Fund (UNFPA), hala’o vizita dahulun ba sentru saude Glenu.
Jornalista : Marcela Mery da Costa