Saudozu Koronel “SARAI” Remata Nia Jornada, Pe. Adrianos : Maromak Prepara Ona Fatin Ba Nia

SAPNewsTL, Dili : Hafoin Tenente Koronel Deolindo da Costa Amaral “SARAI” hakotu iis iha Hospital Nasional Guido Valadares (HNGV) Dili tanba sofre moras iha ulun ka bembulu darah. Iha Misa eukarístia Amu Paroku Nossa Senhora Metinaru, Adrianos Ola Duli hatete Familia matebian sira senti laran Triste, wainhira lakon ona ema diak  ida hanesan matebian Deolindo Da Costa Amaral

“Maromak Dehan katak keta laran Taridu resin, Bainhira  mate ne’e to’o mai ita Hatene katak ita iha fatin, Nia mai prepara fatin  bainhira ita nia fatin iha ona nia bolu ita  Dala ruma Ita Dehan katak ita nia mate kleur los  maibe tanba maromak prepara tiha ona fatin, ita furak oinsa ba mai mos ita la hetan  tanba fatin iha ona ita tenki ba fali”. Tenik Pe. Adrianos Ola Duli iha Capela Centro Instrução Comandante Nicolau Lobato (CICNL) Metinaru, 17/05/2023

Adrianos Ola Duli  hatutan, “Ita nia matebian ne’ebe mate,  Maibe loron ida Ita sei hasoru malu, sira ba tiha ona Maibe sira mos sei iha oin bainhira maromak ba atu hadia fatin, fatin ne’e la hanesan depende mos ba ema nia hahalok, Maibe ita hahalok Diak Sira  ne’e ita sei lori hahalok aat Ita hakribi  Maibe hahalok Diak sira ne’e maromak sei lori”. Nia dehan

“Bainhira ita Fila ba maromak Nia kadunan, ita sei la lori ijasa, sertifikadu hirak ne’e maibe buat kmanek ne’ebe durante Ita Halo maibe ema matan la haree,  ita halo laos  ba ita nia an, buat hirak ne’e maromak  hadia fatin atu tau ita nia diak ne’e  no ita hamutuk ho nia iha mundo seluk”. Nia Sublinha

Padre paroku ne’e mos fo koragem ba familia enlutada liliu faluk no oan kiak ne’ebe saudozu husik hela iha mundu, maibe tanba mate ne’e mistériu maromak nian, ema hotu labele sees an husi mate nia ukun

Iha sorin seluk, Presidente Partidu Demokrátiku (PD) Mariano Assanami Sabino la aseita tanba guvernu la rezolve problema passaporte para lori nia ba halo tratamentu iha rai-liur

“Ita La Aseita, Veteranu Tenente Koronel Deolindo da Costa Amaral “SARAI” mate iha Ospitál, tanba deit guvernu la rezolve problema passaporte ho lailais, ita la aseita passporte uituan deit mos labele halo, ema moras lubuk ida atu ba rai-liur no joven sira atu ba servisu iha rai-liur, maibe la ba tanba passaporte laiha”. Tenik Presidente PD Mariano Assanami Sabino liu husi Komisiu iha Manatutu, 17/05/2023

Enkuantu, Saudozu Tenente Koronel Deolindo da Costa Amaral “SARAI” moris iha loron 27 Fulan Outobru 1962 no mate iha loron segunda-feira, 15/05/2023 tanba sofre moras ulun no bembulu darah, Saudozu Sarai hetan moras loron 28 Fulan Abril liu, ikus mai halo tratamentu iha Hospital Nasional Guido Valadares (HNGV) Dili, maibe la konsege salva nia vida hodi husik hela oan nain lima feto nain 1 no mane nain 5 ho nia fen iha mundu

Saudozu nia mate isin agora daudaun iha ona nia rai moris fatin, Aldeia Abere, Suku Luro Postu Administrativu Luro, Munisipiu Lautem no sei hakoi iha Jardim dos Herois Metinaru Sexta-Feira, 19 Maiu 2023

Jornalista : Ermelinda Soares