Selebra Susesu Ho Retratu Papa ! Rosália : Ha’u Nia Mama Kolen Maibe Nunka Dehan Nia Kolen
SAPNewsTL, Dili : Hafoin simu graduasaun, Graduada Universidade da Paz (UNPAZ) Rosalia Francisca da Costa fo agradese ba aman maromak tanba bele haraik grasa wa’in to’o marka jornada foun iha vida akademia
“Agradese ba aman maromak ne’ebe haraik kbiit grasa mai ha’u ohin loron seleba loron espesial ne’e hodi marka historia foun iha vida edukasaun”.
“Agradese teb-tebes ba pai ho mãe, Ha’u oan sai sucessu ne’e mai husi pai ho mãe ne’ebe halo sakrifisiu oioin desde ha’u moris to’o gradusaun, maske ha’u lakon pai desde sei eskola iha nivel sekundáriu, maibe ha’u nia mama nafatin esforu hodi finaliza ha’u nia estudu “. Tenik Graduada UNPAZ Rosalia Francisca da Costa ba Jornalista SAPNews iha Dili, 02/12/2023
Graduada Fakuldade Ekonomia departamentu Gestaun, Rosalia hatutan, dala wa’in nia mama ho papa ho servisu ne’ebe barak, la’o loron manas no udan maibe nunka dehan katak nia kolen, ne’e mak domin inkondisional, laiha domin ida ne’ebe boot liu fali papa no mama nia domin ba oan sira.
“Dala wa’in, ha’u nia mama no papa senti kolen maibe nunka hatete mai ha’u katak nia kolen, Imi nain rua la hatene udan la hatene loron manas, tan deit buka fundus oan ba eskola husi ensinu basiku to’o ensinu superior.”
Rosalia Francisca konsidera, susesu ne’e la mai hanesan sorte maibe mai husi sakrifisiu no esforsu tomak mama nian tanba nia sempre buka dalan no servisu makaas liu husi halo fila liman ka halo negosiu suporta estudu ne’e to’o oan realiza mehi.
“Wainhira, ha’u sei tur iha banku sekundáriu, luta ne’ebe sei la’o iha dalanklaran pai husik ami to’o ensinu sekundariu hodi hakat fali ba mundu seluk, Remata iha ensinu sekundariu mãe mesak nafatin esforsu makas buka fundus hodi suporta ha’u ohin loron realiza ha’u nia mehi.”
Rosalia akresenta, susesu ne’e nu’udar felisidade no alegria pai no mãe nian, maske pai la hamutuk ho nia (Rosalia) maibe ninia harohan daet ba maromak bele fo nafatin koragem no forsa vontade luta nian to’o hetan graduasaun.
“Ha’u dehan deit katak, ha’u nia sucessu mak kontente pai ho mae ninian, maske ha’u nia pai la hamutuk ho ami maibe nia espiritu nafatin ho ami liu husi nia harohan daet ba maromak. Ami nia orasaun mak ha’u nia pai nia forsa no pai nia kbiit mak ami nia sucessu, ohin loron ha’u realiza ha’u nia mehi, mehi ida ne’ebe la fasil no dejafiante, maibe sai duni realidade tanba iha tulun husi maromak no familia sira”. Rosalia Sublinha
Enkuantu, Graduada UNPAZ ne’e mos husu ba foinsa’e sira ne’ebe sei luta iha mundu alademiku atu labele baruk hodi aprende no estuda makaas maske hasoru difikuldade, todan, difisil no susar oioin.
“Ha’u husu ba belun estudante sira ne’ebe mak hala’o nia estudu iha ensinu superior sira hotu labele baruk atu estuda no aprende nafatin maske hasoru difikuldade oioin, ita tenke hasoru ho esperansa no Hamnasa hodi esforsu nafatin, maske todan difisil no susar, tanba husi ita hasoru susar no terus mak ita sei sai forte,metin no sucessu iha futuru.” Rosalia afirma
Enkuantu, Rosalia Francisca da Costa hahu nia estudu iha Universidade da Paz (UNPAZ) iha tinan 2020, Feto foinsa’e ne’e mai husi Postu Administrativu Luro, Munisipiu Lautém.
Jornalista : Marcela Mesquita Lemos