Tan Domin & Osan ! Sidadaun Idade 15-40 Maioria Sofre HIV-SIDA

Imajem : Prezidente Institutu Nasional Combate HIV-SIDA Daniel Marcal, iha Pantai Kelapa, 25/04/2024.

SAPNewsTL,Díli – Instituto Nasionál Kombate HIV-SIDA, Instituto Publiku (INCSIDA, I.P sigla Portugués) kapasita grupu joventude sentru formasaun KHS,SVJ no HADESTA kona-ba sensibilizasaun informasaun prevensaun moras hadaet HIV-SIDA iha Timor Leste.

Prezidente Institutu Nasional Combate HIV-SIDA Daniel Marcal hatete, organiza atividade ida ne’e ho nia objetivu oinsa maka atu bele prevene Moras HIV-SIDA iha nasaun Timor Leste ho nia Tema jeral : Mai Ita hamutuk Proteze Timor Leste Husi problema transmisaun HIV-SIDA,

“HIV-SIDA kordenasaun atividade serimonia nasional ba grupu joventude ba Sentro formasaun KHS,SVJ no HADESTA hodi dezimina informasaun kona ba prevensaun HIV-Sida no Moras hadaet sira seluk atu aumenta konhesimennto ou kapasita sira labele envolve an ba hahalok risku refere”. Hateten, Prezidente INCSIDA Daniel Marçal iha Pantai kelapa, Quinta-Feira 25/04/24.

Dirijente ne’e afirma, Institutu Nasionál Kombate HIV-SIDA, nu’udar instituisaun estadu ne’ebe hari’i liu husi dekretu Lei nu.2/2021.11 de Janeiru atribui responsavel hodi define, kordena no apoiu implemetasaun estrategia nasional no planu asaun ba kombate HIV- Sida iha Timor Leste, nune’e joventude presija kopera hamutuk hodi proteje Timor-Leste husi Virus HIV-SIDA,Tenik nia.

“Atu kombate transmisaun HIV-SIDA Ministériu Saúde (MS) hamutuk ho Instituisaun HIV-SIDA mesak labele,tamba problema ida ne’e hahu buras iha ita nia nasaun kauza husi sexsu livre, ema barak pratika sexsu livre, la tuir termu protesaun ne’ebe Ministeiru Saúde rasik informa, presija relasaun sexual ne’e saudavel seguru hodi minimiza virus iha Timor”.nia informa

Nia haktuir, kazu HIV-SIDA iha tinan 2023 husi numeru ne’e idade barak liu mak 15 ate 40 anos mak institutu detekta komfirmadu HIV-SIDA, afeta barak liu husi relasaun sexual.

“Kazu ne’e (HIV-SIDA) akontese, tamba domin no osan entaun obrigadu pessoal balun idade sei kiik maibe nesesidade basiku istilu moris obriga sira pratika, rezultado 2016, 16% ate 17% feto balun pratika sexsu livre ho mane barak, triste tebe-tebes.” Nia konta

Enkuantu, Xefe Departamentu  Jestaun Programa Saúde  Municipio  Díli   Anacletu A. Guterres, salienta, serbisu Munisipiu Díli orgullu  atu kopera hamutuk ho INCSIDA  oinsa mak habelar informasaun sira liga ba moras sira ne’ebe maka hadaet no mos liga mos ba moras sira ne’ebe liu liu ba saúde publika nian.

“Ami agradese ba INCSIDA  no instituisaun  ne’ebe maka iha atu nune’e habelar nafatin informasaun hirak ne’e  no mobiliza nafatin  instituisaun sira hotu nafatin  fahe informasaun ne’ebe maka ita hotu preokupa liu liu iha Timor Leste, agradese dala tan ba incida tanba bele mobiliza ita mai iha ne’e oinsa atu fahe informasaun ba malu”. Anacletu A. Guterres hateten

Xefe Departamentu Jestaun Programa Saúde akresenta, Serbisu munisipiu Dili prontu kopera hamutuk ho instituisaun hotu hotu atu hamenus no kontrola moras sira ne’ebe maka iha, serbisu hamutuk munisipiu Dili iha kna’ar ida maka prepara fasilidade oinsa atu bele fo tratamento ba maluk sira ne’ebe maka  identifika  sai hanesan traset ne’ebe maka moras HIV-SIDA.

“Sentru rua (2) ne’ebe serbisu Municipio Dili prepara Centro Saude Farmoza no Centro saúde Vera krus ne’ebe maka agora ita iha médiku no infermeiru ne’ebe treinadu atu fo assistênsia ba ita nia maluk sira ne’ebe maka hetan moras HIV-SIDA”.

“Iha hela fatin própriu rua ne’ebe maka  ita prepara atu halo tratamentu  ba maluk sira ne’ebe maka afeita  ba moras HIV-SIDA, sentru saúde rua prontu ho ita nia mediku, infermeiru no parteira sira ne’ebe treinadu atu fo atendimentu no mos fo asistensia ne’ebe maka  seguru no konfidensialidade”.

Reprezentante ezekutivu  Knua Habelar Siensia (KHS)  Cleofas   Seixas  hateten, institutu Nasional Kombate HIV-Sida  hatudu mudansa barak fiar katak ba maluk sira ne’ebe partisipa iha organizasaun kiik oan sira hanesan ne’e atu bele iha komprensaun ne’ebe diak nune’e liu husi organizasaun sira ema hetan informasaun bele hatutan ba nia familia, no sosiedade.

“Ita fiar iha mudansa ne’ebe iha, ita  bele habelar informasaun HIV-SIDA  iha Timor tanba ita lakoi halibur malu hanesan ita lakoi  koopera entaun ita sei kiak ba  informasaun liu liu moras sira ne’ebe akontese iha Timor Leste, Moras HIV-SIDA ne’e ita hanoin  hatene koinese oinsa moras ne’e bele mosu  iha Timor, maneira ne oinsa ita hotu hatene no komprende”. Nia haktuir.

Partisipa iha sensibilizasaun ne’e mai husi grupu joventude sentro formasaun Knua Habelar Siénsia (KHS), SVJ no HADESTA.

Jornalista : Ermelinda Soares