Tinan 24 Ezisténsia Bombeiros ! Assanami Husu Rekruta Jerasaun Foun
Imajem : Vise PM-MCAS-MDRHC Mariano Assanami Sabino, iha resintu Autoridade Protesaun Civil (APC) Kaikoli, 25/04/2022. Foto : Media Vise PM
SAPNews TL, Díli – Iha ambitu selebrasaun aniversáriu Bombeirus Timor-Leste ba dala 24, Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária, Mariano ASSANAMI Sabino, kongratula serbisu Bombeirus durante tinan 24
Tuir informasaun ne’ebe SAPNews Timor-Leste, asesu liu husi pagina Facebook Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária, Mariano ASSANAMI Sabino, hateten, Bombeirus ohin ejiste tinan 24 ona hodi serví povu ida ne’e no nasaun Timor-Leste (TL)
“Ba Ministru no Sekretariu Estadu ha’u husu atu reforsa liutan instituisaun ne’e sai forte, hodi halo protesaun ba dezastre sira ne’ebé akontese iha Tasi laran, Rai Maran, maibé husu atu Ministru Interior,Francisco Gutteres, no Sekretáriu Estadu Protesaun Sivil, Domingos Mariano Reis, kontinua tau atensaun hodi profesionaliza liutan instituisaun importante ne’e”. informa Vice-Primeiro, iha resintu Autoridade Protesaun Civil (APC) Kaikoli, 25/04/2022)
Governante ne’e afirma, atu haforsa liutan instituisaun ida ne’e mak husu atu rekruta tan membru jerasaun foun sira, no fó formasaun ba sira atu hametin liutan instituisaun ne’e ba futuru.Ba pesoal ida-idak ne’ebé sai ona membru ne’e tanba vokasaun, husu atu komunga prinsipiu no misaun Bombeirus nian ne’ebé hanoin salva ema husi dezastre, Tenik nia.
“Lori Maun Boot, Primeiru Ministru (PM),Kayrala Xanana Gusmão nia naran hato’o parabens ba membru Bombeirus tomak, kontinua servisu ho responsabilidade, firme hodi servi estadu no povu Timor-Leste ho fuan ho laran nu’udar serbidor publiku”. Nia hakotu.
Entertantu, iha serimónia ne’e partisipa husi Vice-Primeiro Mariano Assanami Sabino, Ministru Interior, Sekretariu Estadu Floresta Fernandinho Vieira, Sekretariu Estadu Assuntu Toponomia Organizasaun Urbana, Germano Santa Brites Dias, Brigadeiro Jeneral, João Miranda “Aluc Descartes” Segundu Komandante PNTL, Komisariu Polisia, Pedro Belo, Korpu Diplomatiku, Membru Bombeirus husi munisipiu 13 inklui RAEOA no partisipante.
Jornalista : Guilhermino Ramos da Cruz
