Tarde Kura Ema Moras, Deputada Maria Preokupa Passaporte Ba Ema Moras
SAPNewsTL Dili: Deputada Maria Teresa Gusmão preokupa passaporte ba ema moras tanba susar ba ema halo tratamentu iha rai liur tanba nasaun balun deit mak simu pasaporte Timor-Leste mate.
“Ha’u preokupa iha Munisípiu Baucau daudauk ne’e senhora ida mate ohin mak atu hakoi, detekta fulan fevereiru nia laran atu lori ba rai liur maibe kaderneta pasaporte laiha, maske ministeriu justisa kopera ho nasaun sira atu simu viajen pasaporte mate maibe nasaun balun deit mak bele simu pasaporte mate”.
“Senhora labele ba Rai-Liur tanba nasaun nia atu nasaun refere lasimu, entaun foin semana kotuk mak lori ba opera, maibe labele salva ona tanba moras grave los, no senora ne’e mate lori fila mai Baucau”, dehan Deputada Maria Teresa
Deputada ne’e informa tan, iha mos pasiente seluk, familia rua husi munisipiu Baucau hotu, fo hatene katak sira sei moras mangeira sei iha hela inus, maibe HNGV haruka sira fila, sira mos la komprende fila deit.
Pasiente ida fali tanis hodi husu ba doutor katak, husik sira hela iha HNGV lai maske ikus mai sira simu mate iha sira nia liman laran, maibe doutor sira dehan labele tenki fila ba uma
Maria afirma tan, depois nia konfirma ho fontes balu iha hospital HNGV sira esplika dehan, bainhira moras estruk labele rekopera lalais iha fulan bele mos to’o tinan dotor sira tenki haruka sira fila tanba sira tenki fo fatin ba pasiente sira emerjensia depois bele rekopera iha tempu badak.
Pasiente rekopera kle’ur tenki fila ba uma, depois mak halo rawat jalan, tanba iha hospital fatin la to’o ne’e duni nia sujere dehan atu halo hospital boot tan para atu bele akumula ema hotu.
Jornalista: Anina Martins