Timor Oan Sai Vítima Iha Estranjeiru, PD Lamenta Servisu Diplomátiku

SAPNewsTL, Dili : Bankada Partidu Demokrátiku (PD) iha Parlamentu Nasionál Deputadu António da Conceição husu Governu atu tau matan no buka dalan ba Timor oan sira ne’ebe mak agora sai vitima iha nasaun seluk

“Trabalhador ne’ebe maka iha rai liur liuliu ba SEFOPE ne’ebe foin daudauk halo ona intervensaun hamutuk ho PCIC ajuda trabalhador nain tolu(3) ne’ebe mak agora daudauk ne serbisu ilegalmente iha Johar, kontakto mos ba embaixada atu fo informsaun ba PCIC  hodi husu ajuda ba buka agensia iha neba”. dehan Antonio da Conceição ba Jonalista sira iha Uma fukun Parlamentu Nacional 16/08/2022.

Deputadu ne’e konsidera lori ema sai ba liur ne’e hanesan tráfiku humanu  

“Ita nia ema sira ne’e hodi lori sai ba liur ne’e mak hanesan tráfiku humanu mos, agora dadauk ita deteta ita nia ema nain tolu iha Johar, iha ne’eba  iha Malasia tama ne’e liu husi Indonesia ba iha bandung maka lori sira”. Nia Kestiona

Entretantu, Sekretariu Jeral Partidu Demokrátiku ne’e mos husu ba Ministériu Negosiu Estranjeiru no Koperasaun atu proativu identifika problema traballador Timor oan iha Portugal

“Kona-ba ita nia trabalhador sira, joven sira ne’ebe maka iha Portugal ne’eba ita mos tenki dehan ba MNEK  atu dehan ba embaixada iha ne’eba proativu uitoan para atu identifika problema sira iha ne’eba”. Nia husu

Entertantu deputadu bankada PD ne’e lamental tebes  ho prestasaun servisu diplomátiku sira ne’ebe maka iha estranjeiru

“Embaixada malasya ami fo hatene foin iha informasaun, por akazu  iha komunikasaun kuandu ha’u fo numero telefone  hotu ba ema sira ne’ebe maka buka hela ausilio atu fila ne’e mak foin hatene ita nunka hatene katak ita nia embaixada sira ne’e bele halo netik serbisu ruma kalae”. Nia hatete

Enkuantu, Deputadu PD ne’e preokupa tebes ho serbisu diplomátiku ne’ebe maka iha rai-liur, nia mos husu serbisu konsuladu atu bele fo protesaun ba sidadaun rai ne’e nian, halo kontrolu ba agensia ne’ebe maka fasilita billete ba estranjeiru

Reporter  : Ermelinda Soares

Editor       : Ekipa Editorial