Timorese Academy Journal, António Lira Selesionadu Sai The Best Paper

Dili : Atu Selebra Aniversáriu Universidade Nasionál Timor Lorosa’e ba dala 22, Fakuldade Enjenharia Siénsia no Teknolojia Liu Husi Programa Timorese Academic Journal of Science and Tecnology, iha ne’ebe fo espasu ba akademista sira liliu Peskijador sira, Dosente sira no Estudante Finalista sira hodi halo peskija no publikasaun iha Jornal Nasional no Internasionál

Tuir Vise Dekanu Asuntu Kooperasaun no Peskija Domingos de Souja Freitas hateten Programa Timorense Academic Jounal Academic Volume 5 ne’e organiza husi Fakuldade Enjenharia Siénsia no Teknolojia, iha ne’ebe halo hodi selebra dies natalis UNTL ba dala XXII, Iha Publikasaun Papers hamutuk 35 ne’ebe resulta 25 mak passa iha selesaun husi Professor Doutor sira husi Universidade Tolu iha Japaun liu husi JICA Timor Leste

Iha Publikasaun Papers refere, papers haat mak sai selesionadu hanesan The Best Selected Papers, iha ne’ebe Universidade liu husi Fakuldade fo ona rekunhesimentu sertifikadu de apresiasaun ba the best selected papers sira

Vise Dekanu ne’e kongratula peskijador sira hotu liliu nain haat ne’ebe konsidera hanesan mellhor iha Timorese Academic Journal of Science and Tecnology 2022, tanba entre sira nain haat, estudante finalista António de Jesus Lira sai mos mellhor selesionadu

“Wainhira Estudante António mai komfirma ha’u atu hatama ninia papers, ha’u simu no enkaminha ba doutor sira, hafoin professor doutor sira halo selesaun ba papers hamutuk 35, resulta papers 25 mak passa iha selesaun, entre sira papers haat mak selesionadu hanesan the best selected papers, inklui António Lira, ha’u sente supreza boot ida ba ha’u no universidade, ha’u nia parabens ba nia, sai sai ezemplu ba estudante sira hotu iha UNTL”.   Vise Dekanu Asuntu Kooperasaun no Peskija Domingos de Souja Freitas ba Jornalista SAPNewsTL iha Auditorium FEST-UNTL Hera, 28/10/2022

Entretantu, papers hirak ne’e review husi reviewers sira husi Japanes Timorense Academic hanesan Navoka Tecnology University, Gyfu University, Yamaguchi university no Kyushu University, hafoin halo revizaun sira halo feedback, nune’e hakerek na’in sira bele hadia no ikus mai sira nain haat sai selesionadu

Vise dekanu ne’e enkoraja Dosente sira, estudante sira atu buka halo peskija, hakerek no absorve siensia bazeia ba realidade timor nian hodi kontribui ba desenvolvimentu Timor Leste nian

Iha fatin hanesan, The Best Selected Papers Antonio de Jesus Lira sente orgullu tanba bele sai selesionadu entre papers 25

“Ha’u Orgullu tanba entre 25 Papers, paper ne’ebe ha’u hakerek kona-ba ‘A New Insight For Sustainable Future of Timor Leste And Suggestions for its Management Geodiversity, Geoheritage Conservation and Potential Geopark’, hamutuk ho papers tolu seluk sai selesionadu husi papers ruanulu resin lima, ne’e sai motivasaun ida mai hotu atu luta nafatin ba futuru to’o Timor Leste ba Geoparke hodi kontribui ba desenvolvimentu sustentavel”. Dehan Antonio Lira ba SAPNews

Iha semináriu nasionál ba TAJST (Timorese Academics Journal Science and Technology) ba volume 5(CINCO) ninian, paper ne’e selesionadu hanesan Best Paper ne’ebé avaliadu hosi professor doutor sira hosi Japaun ou editorial word hosi jornál ne’e rasik, Antonio konsidera paper ida ne’e sai hanesan valor importante ida ba researchers liliu kona-ba estudu ba Geopark,  luta nafatin, challenges nafatin to’o atinji mehi ida katak mehi Timor-Leste ba Geopark.

Nia hatutan, iha konseitu Geopark prinsipál maka fenómena Geolójia ou Geodiversity (Geo Diversidade ne’e rasik) portantu iha Geo diversidade ou fenomena Geolojia sira kompostu iha aspetu Geolójiku sira, aspetu geomorfolójiku sira no mós aspetu Hydro Graphis (hidro gráfiku sira) inklui mós solus

Iha fenomena geolójia sira hanesan iha foho, tasi-ibun, lagoa, iha underground river sira ne’e i aspetu geolójia oioin maka sai hanesan komponente prinsipál ba dezenvolvimentu oin mai, utiliza fenomenu geolójia sira ne’e iha edukasaun,  iha valor sientífiku, ema bele halo peskiza sientífiku sira no atividade Geo Turizmu bele avansa ba Geopark futuru.

Atual Presidente Assosisaun Geologos Luro Lautem ne’e fundamenta, sai peskijador la presiza tenki sai professor, importante se mak iha boa vontade halo peskija no estudu kazu sira ne’e maka hanaran peskijador

“Ha’u hanoin paper ida ne’e rasik nia selesionadu sai hanesan mós Best paper, atu sai nu’udár peskizadór la presija sai profesór, la’os estudante, ita labele kompara katak ida profesór ho estudante se mak bele halo peskiza maibé depende ba ema ida-idak atu estudante ou profesór se mak iha vontade hodi halo estudu nune’e se mak halo peskiza, halo estudu kazu sira ne’e ita hanaran nia ne’e ema researcher, maluk estudante sira labele lakon vontade hodi estuda, estuda, estuda, ita bele halo estudu ba problema sira ne’ebé mak iha, ita bele fo solusaun no kontribui ba dezenvolvimentu”. Nia subliha

Antonio Akresenta, Paper refere hakerek durante fulan tolu, hahú hosi fulan Jullu to’o  setembru 2022, iha durasaun fulan rua maibé tempu semana rua ou semana tolu hanesan ne’e kuandu ba peskiza iha kampu la konsege entaun nia durasaun lolos ne’e bele fulan ida hanesan ne’e, antes ne’e estudante finalista ne’e hakerek ona paper rua inklui ho coauthor ida iha tinan 2021-2022

Entretantu, ‘Timorese Academic Journal of Science and Tecnology, Volume Five’ ne’e partisipa husi doutor sira, Maestradu no dosente sira inklui peskijador sira hamutuk tolunulu resin-lima, entre sira 25 passa no nain haat sai selesionadu mak hanesan Eng. Moises Soares (IPG.IP), Antonio de Jesus Lira (Presidente AGL-Lautem), Dr. Eng. Lelis Fraga (Pro-Reitor Para Assuntos de desenvolvimento Institucional-UNTL, Lecture For mechanical Departament), no Eng. Jose Maria Xavier (Diretor Departamentu Mekánika)

Enkuantu, Publikasaun obra sientífika iha volume dahuluk to’o volume 5 hamutuk atus rua resin, entre sira artigu 30 mak publika ona iha jornal internasionál, portantu obra sientifiku sira ne’ebe selesionadu iha potensia sei publika iha journal internasional

Jornalista  : Rivaldo Sancho

Editor        : Ekipa Editorial