XGRR Realiza Workshop Kapasita Universitáriu Sira

DILI : Atu hasa’e kapasidade Estudante sira iha area Soft and Hard skills, Sala Leitura Xanana Gusmão Reading Room oferese workshop ba universitariu sira ho tema “Importansia Soft and Hard Skills ba foinsa’e sira iha kareira professional”, tuir orador Estanislau Saldanha hateten atu aumenta foinsa’e sira ne’ebe hakarak atu servisu tenke iha abilidade no interpersonal skill

“Joven sira ne’ebe mak interese buka servisu,  sira tenki bele hasa’e sira nia abilidade téknika interpersonal, nune’e bele tulun sira hadia sira nia dezenpeñu, abilidade sira ne’e bele ajusta tuir nesesidade rekrutamentu ne’ebe iha no bele halo sira nia servisu di’ak liu tan ba oin”. Dehan Orador Estanislau Saldanha iha nia diskursu, iha uma mahon sala leitura xanana reding room largo lecidere, Tersa-feira (25/10/2022).

Nia informa, atu hetan kareira profisional iha servisu tenke iha esperensia kompetitivu, abilidade kontabilidade, literasia no komunikasaun diak

“Dezenvolvimentu abilidade ne’ebe atu  servisu di’ak liu iha servisu fatin maka Dezenvolvimentu kareira profesional inklui opsaun edukasaun ,esperiénsia servisu, formasaun no vokasional ho aprende iha nivel jestaun, no kompetitivu, hatene di’ak Kontabilidade, literasia digital, komunikasaun di’ak, hakerek no oral ho justu tanba iha lian barak hanorin kriativu ho inovativu hodi hamosu valor foun ba organizasaun”.Tenik nia

 

Nia realsa, organizasaun ka ema ida ne’ebe iha abilidade di’ak no a’as nia mak sei iha vantajen kompetitivu di’ak liu kompara ho sira seluk, halo servisu barak iha tempu hanesan ajusta an lalais ba mudansa ambiente servisu, servisu liu oras sein sura kolen tulun organizasaun iha tempu susar, hakarak boot atu bele kontinua kontrola emosaun iha empatia ho laiha rekor krimi(Interpersonal skills)

Orador ne’e esklarese servisu ho profisional tenke onestu, gere tempu ho diak hanesan estratejia diferensiasaun no teoria resourse bassed view nian

“Organizasaun ka individu sira ne’ebe iha vantajen kompetituvu di’ak ida ne’ebe mak iha rekursu no kapasidade ne’ebe prense kriteria recursu no abilidade hotu, maibe la organiza didiak sei la iha folin, enkuantu tipu abilidade interpersonal nian presiza mos komunikasaun di’ak, jestaun tempu, onestidade, negosiasaun, servisu ekipa no seluk tan ne’ebe mak hare husi estratejia diferensiasaun pother iha tinan (1980)no hare husi teoria resourse based view ka KBV(barney 1991” Nia hakotu

Enkuantu, Semináriu refere hetan partisipasaun maksimu husi juventude no estudante universitariu sira

Jornalista : Aquelina Mangalhães

Editor        : Ekipa Editorial