TLPU Transmite Formasaun Siklu OGE Ba Jornalista Sira
Imajen Presidente Timor-leste Press Union(TLPU) Candido Alves
SAPNewsTL, DILI : Timor Leste Press Union (TLPU) transmite formasaun ba jornalista sira, objetivu husi formasaun ne’e hodi kapasita jornalista Timor laran oinsa atu husu pergunta no hakerek notisia kona-ba Orsamentu Geral do Estadu(OGE)nian iha Timor-leste
Tuir Presidente Timor-leste Press Union(TLPU) Candido Alves hateten katak banhira jornalista sira husu ba membru governante sira kona-ba OGE sira la fo númeru ne’ebe sertu tanba ne’e TLPU ho inisiativa halo formasaun ba Jornalista sira kona-ba OGE
“Primeiru TLPU haree katak Jornalista barak mak hakerek los deit kona-ba notisia nian, maibe ba dala ida ne’e hakarak oinsa jornalista sira komprende mos lalaok orsamentu jeral do estadu nian, tanba ne’e mak TLPU buka ita nia belun sira mai para fo formasaun kona-ba hahu husi planu orsamentu, debate iha parlamentu no mos to’o ejekusaun husi governu sira, tanba durante ne’e ita rona deit membru governu sira halo ejekusaun maibe ita husu kona-ba nia dadus sira la fo ba ita no fo numeru maibe la ho sertu”. Dehan Presidente Timor- Leste Press Union, Candido Alves ba jornalista iha Sede TLPU, sabado ( 22/10/22).
Nia informa katak partisipante ba formasaun refere mai husi jornalista Timor laran inklui membru TLPU
“Partisipante sira mai husi media hotu iha Timor laran ne’ebe inklui membru TLPU no mos la’os membru TLPU, no membru TLPU lei la taka dalan ba Jornalista sira hotu ne’ebe hakarak simu formasaun kona-ba orsamentu geral do estadu”.Tenik nia
Formador Nolasco Mendes
Iha Fatin hanesan fasilitador ba aktividade refere Nolasco Mendes salienta katak formasaun OGE ba Jornalista sira ne’e atu kapasita sira atu husu no hakerek notisia kona-ba OJE ho klaru
“Dala barak Ita hare jornalista sira foti notisia diak maibe substansia ne’ebe husi notisia sira seidauk klean, entaun formasaun ne’e bele fo hatene klean kona-ba metodu foti dadaus OJE ninian hodi lori kualidade ne’ebé diak ba públiku hodi hatene katak Jornalista ne’e halo atividade ne’ebé mak diak”.Nia hakotu
Jornalista : Antonio Tilman
Editor : Ekipa Editorial