Projetu Reforsa Hamutuk Fo Esperansa Ba Feto Sobrevivente
Imajen Diskursu Representante Feto Sobrevivente Feliciana Serrão de Jesus Carvalho
SAPNewsTL, Dili : Representante Feto Sobrevivente Feliciana Serrão de Jesus Carvalho, haktuir projetu Reforsa Hamutuk tulun tebes feto sobrevivente sira hodi hala’o mikro negosiu hodi sustenta sira nia moris
“Ha’u hakarak agradese ba senhor ho senhora sira hotu ne’ebe maka envolve ona ha’u mai iha fatin ida ne‘e, Ha’u mos hakarak hato’o ha’u nia esperansa no deseju ba apoiu tomak mai ami feto sobrevivente no feto negosiante sira ne‘ebe ami hala’o negosiu loron ba loron, tanba ami barak maka hakarak tebes atu kontinua servisu hodi desenvolve ami nia negosiu hodi sustenta ami nia moris no familia”. Dehan Feto Sobrevivente husi Munisipiu Liquica Feliciana Serrão de Jesus Carvalho ba Jornalista sira iha salaun Katedral,Quarta-feira(26/10/2022)
Nia dehan, susar tebes ba feto sobrevivente sira hodi hetan fundu atu halo mikro negosiu maibe ho tulun husi projetu Reforsa Hamutuk sira bele halo negósiu
“Ami susar atu hetan fundus, laiha abilidade atu hetan apoiu no oportunidade sira seluk dala ida tan ha’u agradese ba oportunidade ne‘ebe fo ba ha’u, hau reza be esforsu hotu ne’ebe maka Senhor no Senhora sira kontinua fo apoiu ba feto Timor-Leste tomak, espera katak feto barak bele hetan oportuniadade hanesan ha’u”. Nia hateten
Feto sobrevivente ne’e salienta katak antes nia tama ba projetu Reforsa Hamutuk nia loke negosiu catering no depois nia envolve aan iha prejetu refere fo inspirasaun ba nia hodi loke negosiu husi fundu catering nian
“Ami la iha modal no la’o kuaze tinan 2-3 hanesan ne’e, iha tinan 2021, ha’u ho kolegas balun hetan fali fiar hodi fornese ai-han(catering)ba aktividade Reforsa Hamutuk ne’ebe maka hala’o husi Fokupers iha Benteng Maubara, ha’u hetan oportunidade hodi partisipa iha treinamanetu kona ba Abilidade Moris no mos observa treinamentu kona ba mikro-empreza, husi oportunidade ne’e aprende barak, husi feto sobrevievente balun, enkoraja ha’u hodi loke negosiu husi orsamentu catering no lisaun boot ne’ebe simu husi treinamentu REFORSA HAMUTUK”. Nia konta
Entertantu, Agora dadaun Feto sobrevivente Feliciana Serrão De Jesus Carvalho faan nia produtu sira hanesan, kripik, sate, jus, ao aifuan local sira iha aktividade Bazar REFORSA HAMUTUK no nia mos envolve nia oan, sobrinha sira atu servisu iha Restaurante Tia Zainner.
Jornalista : Ermelinda Soares
Editor : Ekipa Editorial