Timoroan Ida Mout Iha Tasi Korea Sul, To’o Agora Seidauk Hetan

Imagem : Trabalhador timoroan ida ne’ebe mout iha Tasi Korea Sul, 10/10/2025.

SAP News TL, Corea Sul : Traballador timoroan ida mout iha tasi Geado, Corea Sul, hafoin lakon trabalhador sira buka tuir konsege hetan koreanu ida ne’ebe mout maibe timoroan refere to’o agora seidauk hetan.

Tuir informasaun ne’ebe Mídia Sapnews asesu liu hosi Asistente Adido iha Corea Sul, José Sebastião Coli haktuir katak nia parte hetan ona informasaun, nune’e nia sei aranka ba fatin akontesimentu hodi buka tuir no hatene informasaun kompletu hafoin sei fo sai ba públiku.

“Ha’u hetan ona informasaun, agora ha’u dook husi pulau ne’ebe timoroan ne’e mout iha tasi, tanba ne’e ha’u ba agora, parese aban hanesan ne’e to’o mak ha’u fo informasaun klaru”. Hateten Asistente Adido iha Corea Sul, José Sebastião Coli ba SAPNewsTL iha Corea Sul, 10/10/2025

Tuir informasaun ne’ebe SAP News asesu katak trabalhador timoroan ne’e mout hamutuk ho sidadaun koreanu ida, enkuantu koreanu ne’e hetan ona maibe timoroan refere to’o agora seidauk hetan ninia isin.

Trabalhador refere ho naran estimadu “Acoli”, orijinalidade hosi postu administrativu Same, munisipiu Manufahi. Portantu, Informasaun kompletu SAPNews sei fo sai iha oras tuir mai.