Trabalhador 26 Sei Ba Servisu Iha Austrália Kona-Ba Proteje Ferik No Katuas Sira
SAPNewsTL, Dili : Sekretaria Estadu Formasaun Profisional no Empregu (SEFOPE) liu husi Diretor Diresaun Nasional Empregu Exterior Filomino Soares haktuir SEFOPE simu tan empregador foun nain rua husi Australia ne’ebe hare’e kona-ba servisu Aiths Care, iha ne’ebe traballador sira sei ba servisu iha area ospitalidade hodi haree ferik katuas iha ne’ebá
“Ita hetan karta ne’e mai husi Australia, ita halo preparasaun ba ita nia joven sira atu bele kompete iha ne’eba,na realidade Ohin ita simu empregador nain rua husi Austália, konsege mai duni para oinsa mak atu bele foti ita nia trabalhador sira atu ba servisu iha area aits care ninian hodi hare’e ferik katuas sira, kandidatus ne’ebe mak kompete ona hetan test liu ba vaga ne’e sira hamutuk 28 feto 14 mane 14”. Tenik Diretor Diresaun Nasional Empregu Exterior Filomino Soares, Iha Timor Plaza, 25/05/2023
Diretor Diresaun Nasional Empregu Exterior ne’e husu traballador sira hodi aproveita oportunidade ho didiak no kumpri regra sira, nune’e to’o loron ruma bele kontribui ba hadia desenvolvimentu nasaun nian
“Ita sempre ko’alia husi parte governu kria kondisaun ba sira maibe oportunidade ita bo’ot sira ne’ebe mak hetan ne’e mak aproveita halo diak atu mai bele hadia fali dezenvolvimentu iha ita nia Rain, labele kontra regras ne’ebe mak husi parte governu rua ne’e halo para labele halai ses husi sistema”.
“Kuandu ita bo’ot sira halai ses husi sistema ne’e prejudika ba ita bo’ot sira nia an rasik, familia no nasaun, tanba nasaun haruka ita bo’ot sira ba ho objetivu ida ba buka matenek, buka osan hodi fila mai dezenvolve ita nia rain,iha ne’eba mos ita bo’ot sira kontratu iha aiths care nian minimu tinan ida to’o tinan 4, depois tinan4 ne’e ita bo’ot sira fila mai hodi dezenvolve idea negosiu ruma para, kria servisu no fo mos servisu ba ema seluk ne’ebe mak sedauk hetan oportunidade”,Dehan Filomeno
Filomeno Akresenta, ba futuru nasaun Austrália sei kria merkadu ba traballador sira ho ba servisu iha ne’eba, maibe importante traballador sira tenki hatudu hahalok diak no disiplina
“Ba futuru mos sei iha tan merkadu ne’ebe mak agora dadauk sei oferese husi Australia, ita bele manda trabalhador ba iha ne’eba,importante mak hatudu hahalok diak disiplina para atu bele manan konfiansa husi empregador sira, politika agora ne’e kria kondisaun iha area sira ne’ebe mak importante, agora dadauk iha Timor Leste ita seidauk iha sentru formasaun sira ne’ebe prepara ita nia ema ba iha area ida ne’e”.
“Agora dadauk mos SEFOPE hamutuk ho diresaun nasional formasaun profesional hodi desenvolve hela formasaun para atu bele prepara ita nia joven sira iha area aiths care ninian para atu bele oferese ba merkadu internasional liliu ba Australia, Japaun no Korea do Sul iha futuru”. nia hatete
Entretantu, Traballador nain 28 ne’e sei asina akordu ka deklarasaun ho familia hodi aranka ba Austrália, hafoin haree prosesu kontratu sira inklui asuntu tekniku sira seluk tan, molos sira ba servisu iha tinan ida ne’e
Jornalista : Ermelinda Soares