Trabalhador 50 Sei Ba Korea Sul, SEFOPE : Família Tenki Halo Kultura Ho Didiak

SAPNewsTL, Dili :  Ohin Trabalhador Timor oan na’in limanulu (50) hamutuk ho familia asina ona deklarasaun  ho Sekretariu Estadu Formasaun Profisional no Empregu (SEFOPE) hodi ba servisu iha Korea Sul ba sira hanesan Fábrika no Peskas.

Sekretariu Estadu Formasaun Profisional no Empregu (SEFOPE), Rogerio Araujo Mendonça hatete, governu liu husi SEFOPE kria ona kondisaun ba trabalhador Timor oan sira ba servisu iha rai-liur ho objetivu ida katak atu hadia kondisaun moris familia ka uma-laran nian no  hasa’e kresimentu rai-laran.

Sekretariu husu ba trabalhador sira bainhira ba servisu kuidadu an didiak, liliu hadok an husi alcohol, no família sira tenki halo kultura ho didiak tanba sira servisu iha risku nia laran

“Traballador tenki servisu kuidadu an didiak, familia husi trabalhador sira halo kultura ho didiak tanba oan sira ba servisu iha area risku no tasi laran, traballador sira tenki hadook aan husi alcohol tanba husi alcohol mak sei estraga ema nia isin. Tanba imi mak esperansa moris diak ba familia no nasaun,” Dehan SEFOPE iha Salaun Timor Lodge Komoro, Sesta (04/08/2023).

Ezekutivu ne’e husu ba trabalhador hamutuk na’in 50 ne’ebe hetan ona oportunidade hodi servisu ho diak,  nune’e servisu hotu bele la’o ho susesu tanba servisu iha area rua hanesan Fabrika no Peskas ne’e risku.

Iha fatin hanesan, Embaxador Korea do Sul Shin Man Taek, kongratula traballador sira tanba bele halo esforsu tomak to’o ohin bele asina deklarasaun hodi ba servisu iha Korea Sul

“Parabens ba trabalahdor sira nia esforsu tomak durante ne’ebe tempu besik sei ba servisu iha Korea Sul, sira  sei ajuda Korea bele prense servisu sira ne’ebe mak agora dadaun mamuk hela iha Korea, entaun ita boot sira mos ajuda korea”.

 “Ita boot sira sei aranka ba servisu iha fatin ne’ebe dook tebes, tan ne’e ba servisu karik kuidadu an, saúde, seguransa, nune’e ba ho isin diak no fila mos ho isin diak,”Nia husu

Trabalhador Francisco Pedroco Martins Borges  ne’ebe sei ba Servisu iha Area peskas ne’e sente gratidaun tanba bele hetan oportunidade dala rua hodi ba servisu iha Korea Sul

“Ha’u orgulhu tebes tanba ami Na’in  20 bele hetan oportunidade dala rua ba servisu iha Korea, Pesoal ha’u agradese tebes tanba oportunidade ida ne’e bele hadia Familia nia moris, Ami halo buat diak barak ona ba familia sira hanesan halo uma, hadia ekonomia familia uma laran no selu alin sira nia eskola”. Nia hakotu

Guvernu liu husi SEFOPE kontinua prepara no haruka Traballador Timor oan sira hodi ba servisu iha rai liu-liur hanesan Austr’alia, Korea Sul no seluk tan, Traballador na’in limanulu ne’ebe ohin asina deklarasaun ne’e iha tempu besik sei aranka ba Korea Sul

Jornalista : Ermelinda Soares