Udan Boot Rezulta Mota Lori Estudante Na’in 3 Iha Lautém
SAPNewsTL, Lautém: Relasiona ho udan boot ne’ebe akontese iha Munisipiu Lautém Postu Administrativu Luro Durante Loron Tomak, Rezulta Mota Lori Labarik Na’in Tolu iha Area Odofuro Luro hafoin fila husi eskola ensinu Báziku Central Odofuro
Tuir Informasaun Ne’ebe SAP News TL asesu liu husi kontaktu ho Jansen Eduardo da Costa Ne’ebe daudaun ne’e iha terrenu hodi buka tuir ne’e informa “Labarik Sira ne’é hela iha Lereadu Suku Mahina II, Postu Administrativu Lautém ba Eskola Iha Ensinu Báziku Central Odofuro Luro ne’ebe Haketak husi Mota”.
“Sira Nain Tolu Mota Lori, hafoin fila husi eskola EBC Odofuro ba fali Uma Lereadu, Entre Sira Feto Nain Rua Mak salva an no Mane ida ho Naran Joanico da Costa mak to’o agora seidauk hetan’. Tenik Maun husi Joanico da Costa ba SAP News TL liu husi Via Telefone iha Luro, 03/07/2023
Jansen Eduardo hatutan, Sira Nain Tolu ne’e Mota Lori mais ou Menuz Tuku 5 loraik iha Área Odofuro, wainhira Sira Sai husi eskola hodi hakur Mota ba uma LereadoAgora daudaun familia sira no Komunidade Odofuro kontinua buka tuir Labarik ne’e, maske Mota tun ho grande volume tanba Kauza husi udan boot Ne’ebe akontese Durante loron ida Tomak
Joanico da Costa ne’ebe Mota lori eskola iha Ensinu Báziku Central Odofuro iha klasse 8⁰ Ano ho idade sanulu resin Hitu (17), Hela iha Lereadu Suku Mahina II, Postu Administrativu Lautém Munisipiu Lautém
Jornalista: Luis Pailofo