UNDIL Komemora Loron Falintil No Loron Konsulta Popular
SAPNewsTL, Dili : Universidade Dili (UNDIL) Realiza aktividades Seminariu ho tema kona-ba Timor Leste tinan 20 Ho Deszenvolvimentu Iha Salaun Resintu Universidade Dili (UNDIL).
Tuir Dr. Mari Bin Amude Alkatiri hateten Demokrasia iha nia estadu oioin no demokrasia hakarak hari’i estadu la’os deit kondisiona demokrasia maibe demokrasia atu hari’i estadu ida ne’ebe sustentavel ba povu.
“Hari’i estadu la’os deit kondisiona demokrasia maibe demokrasia atu hari’i estadu ida ne’ebe sustentavel. Estadu ida ne’ebe iha kultura instituisional no iha vida konstiusional, haree kona-ba dezenvolvimentu iha rai laran barak mak sei moris iha susar no mukit nia laran, Ha’u hanoin tempu ona atu halo balansu, kore povo nia kiak no mukit hodi halo balansu. Dehan Dr. Mari ba jornalista iha Salaun Resintu UNDIL ,Tersa (23/08/2022)
Entretantu, liga ba konsulta popular Alkatiri hateten loron konsulta popular ne’e loron ida ne’ebe importante ba povu ne’ebe maioria hakarak libertasaun, povu ne’e tenki hetan moris diak no dignu
Iha fatin hanesan Reitor UNDIL ko’alia relasiona ho semináariu importante liliu iha Loron 20 de agustu loron Falintil Ninian no mos loron 30 de agustu konsulta popular Tinan ne’e.
“20 de Agustu loron Falintil ninian e depois lakleur tan 30 de agustu loron ne’ebe importante, hanesan Timor oan oinsa mak atu hametin konsolidasaun estadu nasionalismu ne’ebe ita tenke halo entaun tenke foti ida ne’ebe exemplar ba estabelese nasionalismu ba timor oan hotu, lider nasional sira ne’ebe sai exemplar ba ita nia joven sira atu bele banati tuir tanba rai ida ne’e presija lori nia ba Futuru” tenik Reitor UNDIL Jose Agustinho Belo
Alende ne’e estudante Universidade Dili (UNDIL) Fakuldade Edukasaun Departamentu Lingua Portugés Eleijariu Joauquim Hatutan nia sente orgulho ho lideransa Dr. Mari nia vijitasaun iha UNDIL tanba bele fahe hanoin no perspektiva ba estudante sira
“Ha’u agradece ba lideransa Dr.Mari nia prejensa mai hanorin ami kona-ba dezenvolvimentu no espesil liu iha sosiedade e ohin ami aprende liu kona-ba dezenvolvimentu edukasaun, tanba ne’e iha edukasaun oinsa atu sai professor ka sai lideransa foun ba futuru “. nia hatete
Jornalista : Juvita Sarmento
Editor : Ekipa Editorial