UNEUMER Diskorda Despaixu MEJD Taka Eskola Téknika Tolu Iha Ermera

SAPNewsTL, Dili: Uniaun Estudante Universitariu Munisipiu Ermera (UNEUMER) la konkorda Ministériu Edukasaun Juvetude no Desportu (MEJD) atu taka eskola tekniku vokasional tolu iha munisipiu Ermera ne’ebe sei hamosu implikasaun  negativu ba estudante sira iha eskola area rural.

Portavoz Zaqueu Maia de Araujo haktuir, UNEUMER hanesan organizasaun volintariu akademika ne’ebe  halibur estudante universitariu Ermera oan  tomak ho estatutu kontrolu sosial ohin realiza koferensia imprensa ida ne’e hodi la konkorda total MEJD nia desizaun relasiona ho polemika  ka issu ne’ebe lori komunidade  sira preokupa liu tan  bainhira rona no akompaña informasaun ne’ebe fo sai iha loron 10 fulan Janeiro 2023 liu husi media Ajensia  TATOLI IP katak MEJD produz ona despaisu atu taka no suspende  eskola sekundaria teknika vokasional (ESTV) tolu iha Munisipiu Ermera

“Ami nia pozisaun la konkorda MEJD atu taka eskola tekniku vokasional tolu iha Munisipiu Ermera maka ESTV Reicala lokaliza iha suku Estadu  Postu Adminitrativu Ermera, ESTV Calbale lokaliza iha Suku Lauana Postu Adminitrativu Letefoho no ESTV Remanbote iha Suku Lasaun Postu Adminitrativu Atsabe ne’ebe sei hamosu implikasaun negativu ba estudante sira iha eskola tolu refere ne’ebe MEJD sei kontribui estudante sira husi eskola ne’e sai  abandonadu”, dehan Portavoz UNEUMER Zaqueu Maia de Araujo ba jornalista sira liu husi konferensia imprensa iha jardin 5 de maiu Colmera, Dili kinta (2/02/2023).

Nia informa tan,  bainhira MEJD  hanoin atu taka tiha eskola sira ne’e mak sei hamosu prejuizu no implikasaun negativu ba estudante sira ne’ebe  hela iha area rural no sira ne’ebe susar atu assesu ba eskola seluk, estudante sei sai vitima liu tan no abandonadu  tanba desizaun MEJD  ne’e hakarak kontribui ka aumenta problema iha sosiedade

Zaque akresenta, preokupasaun hirak ne’e laos deit UNEUMER nian maibe Munisipiu Ermera la iha konsiderasaun nafatin sei iha dalan seluk para sira kontinua luta hodi buka solusaun ba ida ne’e, sira mos sei hatama karta audensia ida ba MEJD  atu halo audensia direita ho parte relevante sira, tanba husi diretor edukasaun Munisipiu Ermera katak nia seidauk hetan desizaun ida husi MEJD ba eskola tolu ne’e atu taka ne’ebe despaixu seidauk los

Maske, nune’e sira mos deskorda total ho desizaun MEJD liu deklarasuan ida  iha 19 de outubro 2020 katak MEJD  hanesan responsabilidade maximu ba edukasuan iha teritoriu Timor laran ne’ebe  iha mekanismu atu kria kondisaun atu dezenvolve liu tan ensinu sekundaria tekniku  vokasional 58 iha teritoriu nasional Timor laran tomak maibe iha munisipiu Ermera MEJD hakarak  atu taka eskola tekniku tolu ne’e tuir lolos la tempu ona tanba eskola loke kleur ona.

Entertantu, MEJD hakarak atu taka eskola tolu tanba menus eskola, menus faslidade ba estudante sira  maibe UNEUMER husu tuir lolos MEJD ajuda eskola tolu nia fasilidade ne’ebe menus para hadia diak liu tan hodi kontribui ka dezenvolve liu tan kualidade edukasaun iha Timor Leste tanba MEJD mak nain ba edukasaun iha rai ne’e laos ba taka fali eskola hodi kontribui estudante sira abondonadu fali.

Jornalista : Aquelina Mangalhaes