Vendedor Taibesse Keixa Hahalok Guarda Munisípiu Ba PR Horta

SAPNewsTL, Dili: Presidente da Repúblika Jose Ramos Horta halo enkotru ho Aileba sira iha Palasiu Presidensial Aitarak-laran Dili, durante enkontru ko’alia konaba situasaun no problema ne’ebe mak vendedor sira iha merkadu Taibesse hasoru

Vendador sira rekunhese sira hela iha Merkadu Taibesse ne’ebe kategoria hanesan fatin Públiku, autoridade sira atu asegura sira iha fatin públiku, fatin ne’ebé estadu rasik mak kria maibe dala ruma mosu fali asaun ruma ne’ebé la tuir lei

“Dala ruma ita la proteze povu iha ne’ebá, ita nia vendedor sira mak iha merkadu, guarda Munisipiu sira ba fo kondisaun ba ita nia vendador sira lae, sira atu sai fali preman ne’ebe hanehan fali ita nia vendador sira, hanesan ema ha’u la simu entaun Ha’u la iha kbiit entaun Ha’u buka meius atu aprezenta ba ita nia nai Presidente da Repúblika”. Tenik Porta Voz Aileba Lito da Costa Andrade iha Palasiu Presidensial Nicolau Lobato Ai-Tarak Laran, 27/07/2023.

Nia hatutan, ohin hasoru malu ho Presidente da Repúblika hodi rekomenda ba Autoridade Munisipiu Dili hodi bele kontrola Funsionáriu sira sira profissionalidade, servisu hamutuk hametin kultura respeita malu nu’udar Timor oan

“Ami mai husu Presidente Repúblika hodi rekomenda ba Autoridade Munisipiu Dili hodi kontrolu funsionáriu sira atu hatudu sira nia profisionalismu no Respeita malu tanba,iha ne’eba, Ha’u la simu liafuan mal ne’ebe sira hasai ba ferik sira dehan soe hela laen iha foho hodi mai buka, ida ne’e Ha’u la simu atu hasai liafuan hanesan ne’e, ita nia kultura seidauk hanorin liafuan hanesan ne’e atu hasai ba ita inan sira”. Nia dehan

“Produtu sira iha ne’eba, sira ba tebe, sira raut to’o ferik sira nia massa ruma ne’ebe tau sira nia sasan vendador sira ne’e sira baku rahun hotu depois ho mal tratadus deit, Ha’u la simu sa tan asaun tanba,nasaun ne’e nia nain mak povu, Ami aprezenta ba Na’i Presidente atu bele halo chamada ba autoridade sira bele muda situasaun ruma tanba sira labele moris ho sofrementu ida hanesan ne’e nafatin”,Nia husu

Vendedor ne’e kestiona makaas ba asaun ne’e tanba desde 2014, Vendedor sira toilet kada ema $0.25-0.50 sentavos, Maibe to’o agora ladauk iha rehabilitasaun Infraestrutura Báziku iha Merkadu Taibesse

Presidente Repúblika José Ramos Horta mos la konkorda ho asaun refere, Nune’e Nia parte sei hatun despaixu ho haree fila fali asuntu ne’e

Entretantu, Lei Ambiental no lei ordem Públika fo dalan ba Autoridade Munisipiu hodi toma medida sira hodi asegura ambiente ne’ebé moos no seguru ba populasaun sira

Antes ne’e, Autoridade Munisipiu orienta guarda Munisipiu tun ba prenda no haruka vendedor sira ses husi sira sasan fatin inklui estraga vendedor sira nia produtu sira

Reportazen: Lidia Amaral & Zenoveva Lopes