Volume Estudante Aas, Eskola Sekundária Nicolau Lobatu Loron Ida Aula Oras Tolu Deit
SAPNewsTL,Dili : Eskola Sekundaria Nicolau Lobato Tasi-Tolu enfrenta númeru estudante boot, iha ne’ebe aulas sira fahe tiha ba turnu rua, turnu ida tama iha tuku 7:40 sai iha tuku 10:45 tanba volume estudante boot, Diretor Eskola Marcos Soares Paixeco hateten Eskola ne’e iha Dili nia ninin liu, Populasaun iha Tasi-Tolu ne’e ás entaun estudante nia volume mos aas
Tuir Diretor Marcos Soares Paixeco hateten tina-tinan sira aulas normal maibe tinan ne’e fahe tiha ba turnu rua tanba númeru estudante sa’e makaas
“Agora ami la’o dadauk ona hodi nune’e akomula estudante sira iha anu lektivu foun, eskola loke tan aulas foun hodi atende ba estudante sira, dadauk ne’e kada aulas ida hetan Lima nulu(50), Aulas la sufisiente mak fahe tiha ba turnu rua, sira bolu A-B kada loron ida tama oras tolu,oras tolu ho razaun mak tinan ne’e volume estudante as liu”. Dehan Diretor Marcos Soares Paixeco, ba jornalista SAPNewsTL iha nian kanar Eskola Nicolau Lobato Tasi-Tolu Dili,Tersa(26/07/2022).
Nia akresenta, razaun simu liu estudante tanba inan aman balu mai nafatin ho razaun katak sira nia oan labele ba eskola sa’e kareta dala rua ou dala tolu no osan kada fulan liu la sufisiente hodi selu mikrolete
Nia hatutan, tinan ida ne’e estudante full lo’os Rihun ida atus ha’at Limanulu resin, Realidade estudante nakfila tiha ba aula ruanulu resin ha’at (24). tanba ne’e mak fahe tia ba turnu rua.Ba fasilidade Sufisente ona maibe menus mak livru no kaderneta ba primeiru anu
“Ami hato’o ona ba Ministeru Edukasaun, oinsa atu distribui kaderneta ba munisipiu para fahe ba eskola sekudariu sira hodi prense ba primeiru anu, iha ezame primeru periudu ne’e iha abril liu ba sira tenta nafatin no ba diretamente husu iha diresaun edukasaun munisipiu nian dehan katak kaderneta seidauk iha”. Nia hatutan
Enkuantu eskola refere kada aula ida akumula estudante maximu hamutuk Lima nuku(50) maibe iha aula balu iha ha’at nulu(40) no balu iha Tolunulu(30), Tanba ne’e mak fahe tiha ba turnu rua. Total estudante iha eskola ne’e hamutuk rihun ida atus ha’at limanulu resin-tolu(1.453). Total Professor/a premante ho kontrotadu hamutuk ruanulu resin lima(25). kontratadu nain sia(9) premante nain sanulu(10) no Voluntariu sanulu resin (16).
Jornalista : Justino de Jesus Soriano