Youtuber TL Sai Motivador, SEKOMS Atribui Premiu Ba Manan Na’in Sira
Imajen entre SECOMS, CI, Konvidadu sira no Content Creator sira iha Pusat Budaya Indonesia, 30/11/2022
SAPNews, DILI–Sekretáriu Estadu ba Komunikasaun Sosiál (SEKOMS), Merisio Juvinal Akara atribui premiu ba manan nain, “kontent Kreator” nain lima 5 ne’ebé tuir kompetisaun iha tinan ida ne’e.
Iha intervensaun Sekretáriu Estadu ba Komunikasaun Sosiál, Merisio Juvinal dos Reis Akara, hatete serimonia atribuisaun premiu ba manan na’in sira ne’ebe tuir ona kompetisaun kontent kreator, youtuber. Hanesan meius ida hodi inspira foinsae hotu-hotu bele espresa talentu liu husi adaptasaun plataforma digital iha tempu agora hodi promove Timor ba mundu.
“Objetivu husi programa ida ne’e atu motiva juventude sira nia talentu liu husi uza plataforma dijital, youtuber no facebook, hodi promove Timor-Leste ba mundu no bele hakbit ekonomia familia liu husi profisaun hanesan kontent kreator ka youtuber”. Hatete Sekretáriu Estadu ba Komunikasaun Sosiál (SEKOMS), Merisio Juvinal dos Reis Akara iha nia diskursu, iha salaun Pusat Budaya Indonézia (PBI), Kuarta-feira(30/11/2022).
Nia hatutan talentu foinsa’e hanesan kontribuisaun ba dezenvolvimentu Timor-Leste nian liu husi partisipasaun juventude iha kompetisaun tuir kultura mundu ohin loron nian iha plataforma dijitalizasaun. Joventude ne’ebe tuir kompetisaun kontent kreator youtuber sai hanesan sentru ba foinsa’e sira seluk hodi inspira diak liu tan foinsa’e hotu-hotu tuir modelu kultura global no dijital.
“Ha’u apresia ho imi nia talentu ne’ebé nakonu ho kriatividade, tanba adoptasaun erra dijital hanesan tradisaun foun ida ne’ebe mundu oferese ba ita, mesmu ita nia nasaun kiik maibe obrigatoriamente tenki lao tuir modelu plataforma digital sai hanesan ema ne’ebe diak hodi tulun ita nia estadu hare ba dezenvolvimentu iha rai laran” Nia salienta
Iha fatin hanesan manan nain ba youtuber primerio lugar Addel Xavier dejafia foinsa’e sira hodi sai youtuber tanba sai youtuber bele halo promosaun fatin turismu sira Timor Leste nian ba mundu
“Ha’u hakarak sadik ema hotu atu bele halo viajen ba fatin sira ne’e hanesan ha’u ho bisikleta bele nusa mak imi labele, imi bele no bele explora turismu nia furak iha Timor, ha’u nia youtube ne’e kria ho naran Adde Xavier no hari iha tinan 2019, bainhira moras kovid19 hahu ita iha uma deit sei lahalo buat ida ho ida ne’e mak hakarak kria chanell rasik, programa ne’e kria inisiativa rasik ho ida hakarak kontinua ba liu oin iha kolega balun mak suporta ha’u ba iha programa ida ne’e, vidio ne’e halo ona nia iha durasaun 4minutus” Tenik nia
Nia mos haktuir iha tinan kotuk manan ba kompitisaun youtuber ida ne’e hetan iha kuartu lugar, nia agradese tanba tinan ida ne’e hau bele sai vensador no iha esperansa ba oin saida mak iha ona atu nafatin promove ba nafatin
Jornalista : Ermelinda Soares
Editor : Ekipa Editorial