Khunto Kestiona Kargu Xefia Barak Husi Partidu Seluk, Olinda : Governu Ne’e Solidu Nafatin
SAPNewsTL, Dili: Deputada Bankada Kmanek Haburas Unidade Nasionál Timor Oan (Khunto) Olinda Guterres apela ba públiku katak plataforma ne’ebé mak eziste agora daudaun ne’e sei solidu no servisu hamutuk hodi fó apoiu VIII governu konstitusionál to’o tinan 2023
“Ha’u halo ha’u-nia deklarasaun iha tinan ida liubá kotuk asegura governu to’o tinan 2023, ha’u la’ós ko’alia katak plataforma ida ne’e sei metin to’o eleisaun parlamentar, ha’u la ko’alia to’o iha ne’eba, maibé plataforma ida ne’e asegura to’o remata, ida ne’e mak iha altura ne’eba ha’u asina”. lia hirak ne’e hato’o ba jornalista SAPNewsTL iha nia servisu fatin, Dili, Tersa, 28/06/2022.
Deputada ne’e hateten Administrador ne’e so Munisipiu Ainaru deit mak nain ida husi Partidu Khunto, maibe sira seluk ne’e Fretilin mak manan hotu tanba Partidu Fretilin nia kadeira mak maioria
ʺVise Prezidenti Parlamentu Nasionál Sr. Luis Roberto rasik mak marka karta ba Administradór Venilale i hasai tiha ami-nia Khunto nian iha administradór ne’e, agora tau fila fali Fretilin nian mak iha ne’eba, tuir selesaun Partidu Fretilin nian mak manán, husi Partidu Khunto nian lakon, iha fatin ne’ebé deit Partidu Fretilin nian mak manán tanba partidu Fretilin nian mak kadeira maioria husi Partidu Khunto, iha Ainaro mak partidu Khunto hetan na’in ida”. Tenik Deputada Bankada Khunto Olinda Guterres ba Jornalista SAPNewsTL iha Parlamentu Nasionál, Dili, 28/06/2022
Nia kestiona, Kargu Xefia 49 parte edukasaun nian husi Partidu Khunto nian hetan ema na’in rua no husi partidu PLP nian hetan ema na’in rua deit, maske nune’e maibe Deputada ne’e garante plataforma ne’e sei solidu nafatin no asegura to’o 2023
ʺNu’udar fundadór ba Partidu Khunto ha’u sei konsulta Sr. Naimori nu’udar konsilleiru superiór ba Partidu Khunto nian sei tur hamutuk hodi ko’alia kona-bá plataforma ba eleisaun parlamentar nian, nune’e mós la’ós kadeira lima ne’e mak atu ba oin deit lae, maibé ita hein katak kadeira khunto sei aumenta tanba agora partidu Khunto servisu maka’as״. Nia sublinha
Entetantu, maske iha VIII governu konstitusionál hetan failansu oioin, maibé partidu Khunto hakarak asegura nafatin to’o mandatu governu ida ne’e remata.
Jornalista : Eduardo Moniz