Falesimentu Eis PR Lu Olo ! PM Malásia Ibrahim Triste & Hato’o Sentidu Kondolénsia

Imajem: Primeiru Ministru Malásia Anwar Ibrahim & Saudozu Francisco Guterres Lu Olo Eis Prezidente Repúblika.

SAPNewsTL, Malásia : Primeiru Ministru Malásia Anwar Ibrahim sente triste rona nótisia katak angitu Presidente Repúblika Francisco Guterres Lu Olo hakotu ona iis, nia parte hato’o sentidu kondolénsia profunda ba família no povu Timor-Leste.

“Ha’u triste tebes ho notícia kona-ba matebian antigu Prezidenti Timor-Leste, Francisco Guterres. Iha naran Malázia, hau hato’o kondolénsia kle’an ba nia família no ba povu Timor-Leste tomak”. Hakerek Primeiru Ministru Malásia Anwar Ibrahim iha nia Pajina Ofisial, Malasia,22/06/2026.

Prezidenti Guterres mak parte husi jerasaun ne’ebé luta iha ai-laran no konsege hetan Timor-Leste nia independénsia.

“Nia pasa tinan barak iha rezisténsia ne’ebé halo nia koñesidu ho naran Lú-Olo, no depois servi nia rain hanesan Prezidente Parlamentu Nasionál no Xefe Estadu. Iha nia vida tomak, nia nafatin dedika-an ba liberdade povu nian no konstrusaun nasaun demokrátika ida”. Nia sublinha

Povu Malázia sente no hola parte iha lutu hamutuk ho povu Timorense tanba nia partida. Nia sei nafatin lembra iha Malázia ho respeitu no karíñu boot.

Oras ne’e Kadaver Francisco Guterres Lú Olo sei iha Mortuáriu Ospitál Prince Court, iha Kuala Lumpur, Malázia no iha ona komunikasaun entre familia ho governu hodi translada mai Timor-Leste ho aero Dili.

Saudozu Franciaco Guterres Lu Olo ninia partida ne’e reprezenta lakon boot ida ba família boot, ba partidu FRETILIN, ba ninia kompañeiru luta sira, no ba sira hotu ne’ebé partilha hamutuk mehi no harii Timor-Leste ida ne’ebé livre, demokrátiku no soberanu.

Familia husu povu Timor-Leste atu hamutuk iha orasaun no fó omenajen ba ninia memória, legadu, no dedikasaun tomak nia fo ba povu timorense.