AJTL & TLPU Lamenta PCIC Notifika Jornalista Jornal Independente
SAPNewsTL, DILI-Xefe Redasaun Jornal Diario independente hetan notifikasaun husi Politica Centifica De Investigação Criminal(PCIC, sigla portugues), atu sai sasin ba krime violasaun segredu justisa
Diretor Jornal diariu Independente José Sarito Amaral,hateten katak hetan karta notifikasaun ne’e horseik ho nia estatus mak atu sai sasin ba krimi violasaun segredu justisa husi PCIC ne’e rasik.“Kona-ba prosesu inisial to’o mai iha PCIC ne’e liga ba publikasaun jornal independente nian iha dia 10 fevereiru 2023, ne’e ba kazu senhor Longuinhos Monteiro ninian maibe ekipa entidade sira ne’ebe halo buska iha nia rezidensia tanba ne’e ami publika iha dia 10 akontese iha dia 09 iha Loes depois ami publika iha dia 10 de fevereiru tinan ida ne’e”.Dehan Diretor diario independente Jose Sarito Amaral ba jornalista sira iha PCIC, Quinta-feira(30/11/2023)
Nia haktuir katak hafoin Xefe Redasaun kumpri notifikasaun refere ne’e bazeia ba ema nia keixa ba jornal diario independente nia notisia.
“Hafoin ita husu ba sasin katak PCIC bolu xefe redasaun mai bazeia ema nia keixa ba jornal diario independente nia notisia, tuir ita nia lei komunikasaun sosial katak ema ruma sente jornalista nia produtu la iha balansu ou sala tenke bazeia ba lei no ema ne’ebe mak sente vitima ba notisia refere tenke hakerek karta ba xefe redasaun para sira bele halo ratifikasaun ou direitu ba resposta banhira notisia ne’e la balansu”.nia informa
Iha fatin hanesan, Xefe Advokasia Associação Jornalista Timor-Leste Constansio da Costa Vieira hateten Associação AJTL kontra mak bainhira ema ne’ebe mak kriminaliza produtu jurnalistik, dala ruma ema barak seidauk konsiente kona-ba lei komunikasaun sosial ne’e.
Advokasia AJTL ne’e hateten katak servisu ida ba associação sira mak atu konsola ho konselu imprensa hodi halo akordu ida ho entidade hotu katak bainhira ema keixa produtu jornalistiku labele prossesa tuir ministeriu publiku
“Sai servisu ida ba Associação sira mak hamutuk hodi konsola ho komselu imprensa hodi nune’e konselu imprensa bele asina akordu ida ho entidade sira hanesan ministeiru publiku no polisia para ema ne’ebe mak hato’o keixa produtu jurnalistiku, sira labele prossesa tuir ministreiru publiku ou bazeia ba kodiku penal maibe uza ita nia lei komunikasaun sosial”.haktuir advokasia AJTL
Informa nia katak xefe redasaun sai sasin ba violasaun ba segredu justisa ne’ebe mak previstu iha 291 kodiku penal.
“Bazeia ba notifikasaun ne’ebe mak ha’u asesu nia mai hanesan sasin tanba dehan violasaun ba segredu justisa ne’ebe mak previstu iha 291 kodiku penal. Ema la komprende nia tauk maibe ema ne’ebe mak komprende nia la tauk maibe ida ne’e parte ida hatauk jornalista, maibe husu ba jornalista sira hotu-hotu atu keta tauk tanba ita iha lei komunikasaun sosial ne’ebe mak garante ita nia direitu no dever”nia salienta
Sekretáriu Jeral Timor-Leste Press Union (TLPU) Zezito da Silva informa katak ekipa jornalista no membru TLPU tomak konsentra iha rezidensia PCIC ho objetivu atu halo solidariedade ba xefe redasaun Jornal diariu independente ne’ebe ohin mai halo dereitamentu Iha PCIC
Nia parte sente triste tanba Jornalista sira sempre hola prezensa Iha autoridade orgaun judisiariu sira, apezar de iha lei komunikasaun sosial maibe nunka mais respeita ida ne’e, hanoin katak hanesan notifikasaun ou keisa ne’ebe mak sira simu katak xefe redasaun mai prense deklarasaun hanesan violasaun segredu justisa
“Ami lamenta ho karta ida ne’e tanba jornalista kuandu ba halo kobertura ne’e livre Iha fatin ne’ebe deit, atu koalia kona-ba segredu justisa ne’e laos jornalista mak fo sai informasaun ou buat ida ne’ebe segredu, maibe ema ne’ebe mak fo sai segredu jornalista hein publika deit, hakerek ou rekolha dadus no informasaun hotu-hotu hodi publika deit laos jornalista sira mak fo sai segredu justisa, Ida nee sala”Nia husu
Enkuantu, Jornalista husi jornal diariu independente presta ona deklarasaun iha edifisiu PCIC hodi fo sasin ba violsaun segredu justisa.
Jornalista : Estajiada Marciana Da Çonceição