APMT Promete Hadia Ekonomia No Agrikultura Hamenus Dezempregu Iha TL

SAPNewsTL, Dili : Liu husi Komunikadu Imprensa Presidente Partidu Assosiasaun Popular Monarkia Timorense (APMT) Agostinho Gomes ” Tino Lina” promete sei hadia ekonomia no agrikultura hodi hamenus dezempregu iha Timor-Leste (TL), nune’e rai ne’e labele kontinua depende nafatin ba importasaun.

“Tuir lolos ohin loron Partidu APMT, maibe liu husi komunikadu imprensa ne’e ami afirma sei hadia ekonomia no agrikultura hodi hamenus dezempregu iha Timor-Leste (TL), nune’e rai ne’e labele kontinua depende nafatin ba importasaun”.Tenik Prezidente Partidu APMT  Agostinho Gomes ” Tino Lina” liu husi Komunikadu, 23/04/2023.

Nia hatutan, partidu hotu-hotu sei iha programa prinsipal maibe APMT mai ho programa ne’ebe interasante hodi dada eletores sira.iha eleisaun parlamentar tinan ne’e, maka dezenvolve seitor ekonomia, edukasaun no saude hodi kria oportunidade de empregu ba Timor oan sira

“Programa prinsipal hanesan, seitor saude, agrikultura, edukasaun, defeza no seguransa. no justisa ne’ebe ema hotu tau prioridade, maibe APMT rasik iha nia programa prioridade primadona, ekonomia ne’ebe tama ona perigu no fundu minarai ne’ebe besik maran ona, seidauk iha reseita alternativa, dezempregu atinji ona nivel grave, nune’e APMT sei mai ho programa oinsa atu redus dezenpregu iha timor leste tanba ho tarjetu tinan sanulu( 10) bele redus ona”, nia salienta

Alende ne’e, Sekretariu Jeral Partidu APMT Sobario Guterres Haklean tan katak APMT hakarak hadia sistema administrasaun finanseira publika tanba durante tinan rua nulu (20) gastu kuaze milaun 20.000.00 maibe la iha rezultadu.

“Durante ne’e estadu Timor Leste gastus barak tanba seidauk aposta klean ba reforma finanseira publika, tanba ita iha ona tarjetus maibe aloka osan la tuir metas ne’ebe iha, nune’e iha tinan rua nulu (20 ) konsege gasta ona millaun 20.000.000 maibe la iha rezultadu pozitivu, ne’e sai reflesaun ba partidu hotu no mos ba jovens sira,nune’e APMT hakarak hadia reforma administrasaun finanseiru publiku hodi aloka osan ba iha foku rezultadu produsaun, rekolla reseita, tanba ekonomia hakdasak, dezempregu kontinua aas” tenik Nia

Entretantu, Partidu Assosiasaun Monarkia Timorense (APMT) kompete iha eleisaun parlamentar tinan 2023, ho objetivu oinsa atu hadia ekonomia no hamenus dezempregu iha Timor-Leste, inklui sei loke espasu ba investor sira hotu hodi haforsa sistema ekonomia iha rai laran,no desenvolve dezenvolvimentu agrikultura hodi labele dependensia ba importasaun

Reportajen: Grigorio S. dos Santos