Asegura Soberania Ai-han, FAO Sorumutu Ho PR
SAPNewsTL (Dili): Responsavel Food and Agriculture Organization (FAO) hasoru malu ho Presidente da Repúblika José Manuel Ramos Horta koalia kona ba Agricultura, seguransa Alimentar no Bee moos inklui melloramentu ai-han lokan hodi asegura soberania aihan iha Timor-Leste
“Ohin Mai hasoru malu ho Sua Excelénsia Presidente Republika Enkontru kortejia ida, Ami koalia kona ba Asuntus agriculturas, Seguranca Alimentar, Nutrisaun no bee, Ami bele hametin liu tan kolaborasaun Governo Timor-Leste iha area sira ne’e. (Lia hirak ne’e hato’o husi responsavel FAO Rajendra Aryal iha Palasiu Presidensial, 28/07/2022)
Nia akresenta mos kona ba mudansa klimátika Desastres oioin akontese iha rai barak no fo impaktu ba Timor-Leste
“Ami mos koalia kona ba oinsa Mudansa Klimátika ho Desastres oioin ne’ebe que akontese iha rai barak no mos fo impaktu ba iha Timor-Leste, Nune’e mos ko’alia estrategia oinsa bele Servisu hamutuk para responde ba krize oioin liliu inklui krize ne’ebe akontese iha rai balun fo impaktu ba seguransa ai-han iha rai-laran”. (tenik Nia)
Alende ida ne’e mos responsavel FAO koalia kona ba krize entre Nasaun Rusia no Ukrainia ne’ebe fo impaktu ba Importasaun ai-han
“Ami mos ko’alia kona ba krize ne’ebe akontese entre Nasaun Russia no Ukrainia ne’ebe dadaun ne’e fo impaktu tebtebes ba Nasaun barak Liu Liu sira ne’ebe que depende ba Importasaun ai-han hanesan Trigo no mos fertelijantes balun ba agricultura sira”. Dehan nia
Tuir FAO Russia no Ukrainia Mak kontinua prolonga sei fo impaktu ba Timor-Leste, tanba ne’e mak FAO sei melhora produsaun ai-han lokal.
“Timor-Leste la dun hetan impaktu makaas se ida ne’e mak prolonga maka Timor-Leste mos iha tempo balun hetan impaktu, ko’alia estrategia oinsa Timor-Leste bele Melhora liu tan produsaun ai-han lokal ne’e ita bele iha Soberania ai-han, Ita nia dependénsia ba importasaun menus uitoan”.(hatutan Nia)
Enkuantu, nia hatutan Presidente hakarak haree oinsa nasaun ne’e bele iha Soberania ai-han no bele Melloria Nutrisaun ba populasaun, Entao Presidente hakarak teb-tebes konvoka kolaborasaun ho parte hot-hotu atu bele hadia ka Melloria investimentu iha sektor agrikultura hodi responde ba situasaun mal Nutrisaun iha Timor-Leste.
Jornalista : Vinsensius Morais Araujo