Atleta Felisberto Triste La liu Fatin VIP Aranka Ba Cambodia, CONTL Rekoñese Failansu
Imajen: Atleta Felisberto De Deus Husi Modalidade Atletizmu Fo Informasaun Ba Jornalista Sira Iha Airoportu Internasional Nicolau Lobato Comoro Dili, kuarta (03/05/2023).
SAPNewsTL, Dili: Atleta Felisberto de Deus husi modalidade atletizmu sente triste tanba sira lori Timor-Leste nia naran aranka ba kompete jogu Sea Games 2023 iha Cambodia maibe la liu husi fatin Very Important People (VIP) nune’e Komite Nasional Olimpiku Timor-Leste (CONTL sigla portuges) rekoñese faila koordenasaun ho Ministeriu Negosiu Estranjeiru No Kooperasaun (MNEK) no Airoportu Internasional Nicolau Lobato.
“Hau nu’udar atleta lori Timor-Leste nia naran ba kompete jogu Sea Games 2023 iha Cambodia sente triste tanba ami ohin aranka ba Cambodia la liu husi fatin VIP nian ne’ebe atendimentu ba ami mak nune’e ona maibe ida ne’e sei la difikulta ami hodi kompete iha jogu Sea Games agora ne’e”, dehan Felisberto de Deus ba jornalista sira iha Airoportu Internasional Nicolau Lobato Comoro Dili, kuarta (03/05/2023).
Iha sorin seluk treinadora atletizmu Odete Belo hatete, nia sente triste tanba ohin sira aranka ba Cambodia la liu husi fatin VIP maski sira reprezenta nasaun laos privadu.
“Hau nu’udar treinadora senti triste tanba ohin ami aranka ba Cambodia tuir lolos tenki tenki liu husi fatin VIP labele liu husi fatin publiku nian hodi senan malu ho pasajeiru sira seluk tanba ami reprezenta nasaun laos privadu”, tenik Odete
Imajen: Treinadora Odete Belo Husi Modalidade Atletizmu.
Odete hatutan, tuir lolos konsidera atleta sira hanesan dalan ne’ebe mak baibain nai ulun sira liu tanba sira mos reprezenta nasaun, bainhira atleta sira ba kompete mak hetan ona medalla ne’e sira fila foin liu husi fatin VIP Airoportu Internasional Nicolau Lobato nian maibe aranka ona ne’e sempre liu husi dalan públiku sena malu ho pasajeiru sira seluk tan ne’e sira husu ba governu ho CONTL ba futuru tenki hadia ida ne’e para labele akontese tan.
Iha fatin hanesan sekretariu jeral CONTL Laurentino Guterres informa, ohin sira rekunese atleta sira aranka ba Cambodia la liu husi fatin VIP airoportu nian tanba ladun koordensaaun diak MNEK no Airoportu Internasional Nicolau Lobato.
“Ohin ita nia atleta sira aranka ba Cambodia ne’e la liu husi fatin VIP Airoportu Internasional Nicolau Lobato nian tenki liu husi fatin publiku sena malu ho pasajeiru sira seluk ida ne’e ami rekoñese tanba ladub koordensaaun diak ho MNEK no Airoportu Internasional Nicolau Lobato”, Laurentino hateten
Imajen: Sekretariu Jerál CONTL Laurentino Guterres.
Laurentino haforsa tan, normalmente atleta sira fila husi rai liur sira sempre liu husi fatin VIP Airoportu Internasional Nicolau Lobato nian maibe sira aranka ne’e la liu husi fatin VIP nune’e ba jogu sira mai fali sira halo koordenasaun diak ho MNEK no Airoportu Internasional Nicolau Lobato para atleta sira aranka no fila husi rai liur tenki liu husi fatin VIP airoportu nian tanba sira reprezenta nasaun Timor-Leste nia naran.
Reportajen: Augusto dos Santos